Biblia Todo Logo
온라인 성경

- 광고 -




Jeremias 23:39 - Manobo Western Bukidnon OT

39 edlipatan ku en sikew ne edsegseǥen ku sikew puun te etuvangan ku. Ne ebey-anan ku heini is inged he imbeǥey ku te menge kepuun niw.

장을 참조하십시오 복사




Jeremias 23:39
30 교차 참조  

Ne mibpekeziyù si Cain te Nengazen, ne ziyà med-ubpà te tanà he Nod he ziyà te zapit te edsilaan te Eden.


Su ibpelapey ku is langun he menge wahig dini te tanà su wey melimas is minsan hengkey he egeǥehinawa zini te kelibutan. Ne egkeǥerà is minsan hengkey zini te tanà.


Umbe, migkaǥi is Nengazen te, “Id-awè ku ziyà te etuvangan ku is menge tig-Juda iring te mibeelan ku te menge tig-Israel, ne idselikwey ku is Jerusalem, he pinilì ku he inged, wey heini is baley ku he nekaǥi ku he kayi a ebeǥayi te zengeg.”


Kena a kenikew segseǥa puun te etuvangan nu, ne kenè nu iawà kayi te kediey is waǥas he Mulin-ulin nu.


Is etew he kenà ebpezumazuma te ibpenurù, iyan edsuǥù kandin he merasey, piru is etew he ebpezumazuma te suǥù, ebpekehendiyà mulà te keupiyaanan.


Iyan a mismu migkaǥi wey mid-umew kayi te emiǥu ku. Edsuǥuen ku sikandin ne edlampus sikandin te ebeelan din.


Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?


“Inselikwey ku is menge etew ku he iyan is nasyun he migaked ku. Imbeǥey ku is mibmahal ku he menge etew ziyà te menge kuntada zan.


“Jeremias, emun ed-insà diyà te kenikew heini he menge etew, etawa ebpeneuven, etawa memumuhat ke hengkey is menge lalag ku, ne keǥiyi nu sikandan he iyan migkaǥi ku is inselikwey ku sikandan.


ne ke egkaǥi sikandin te, ‘Uya, zuen egketudtul ku he ebpuun diyà te Nengazen.’ Kinahanglan he egkeǥiyan nu sikandin te iyan heini migkaǥi ku: ‘Geina te migkaǥi ka he zuen nu egketudtul he ebpuun kayi te kediey, minsan te imbandu ku kenikew is kegkaǥi keniyan,


Umbe, siak, is Nengazen he Megbevayà he Mekeǥeǥehem, he Megbevayà te Israel, migkaǥi te: Pemineg kew! Is menge etew ziyà te Juda wey Jerusalem, ibpaaǥi ku ziyà te keniyu is langun he kezeetan he migkaǥi ku he idezaat keniyu. Mibpekidlalag a keniyu piru wazà a keniyu pemineǥa; mid-umew ku sikiyu piru wazè kew medtavak.”


Edsilutan ku sikew wey is menge anak nu, ragkes en is menge upisyal nu tenged te kelelalung niw. Ibpeseǥazan ku keniyu wey te menge etew te Jerusalem wey Juda is langun he kezeetan he nekaǥi ku he idezaat keniyu, su geina te wazè kew mebpemineg kedì.’ ”


Umbe, hein neuǥet impaawà te Nengazen diyà te lugar zan is menge tig-Jerusalem wey menge tig-Juda wey mekepekeziyù kandin. Neulaula heini ziyà te kandan tenged te kegkepeuki te Nengazen kandan. Ne nekidsukulà si Zedekia te hadì te Babilonia.


Umbe, ke hengkey is mibeelan ku ziyà te Shilo, iyan daan ebeelan ku ǥuntaan diyà te valey ku he zutun a ebeǥayi te zengeg, kes baley ku he midseriǥan niw he zutun te lugar he imbeǥey ku keniyu wey te menge kepuun niw.


Sikiyu is menge tig-Juda, edsegseǥen ku sikiyu ziyà te etuvangan ku iring te mibeelan ku ziyà te menge kezuzumahi niw, he menge etew he tig-Israel.’


Maan is layun key kenikew edlipati? Maan is neuǥet en is kedselikwaya nu kenami?


“Iyan a, is Nengazen he MEGBEVAYÀ, migkaǥi he iyan a mismu ebpen-ahà te menge kerehidu ku wey ed-atur kandan.


“Umbe siak, is Nengazen he MEGBEVAYÀ, migkaǥi a ziyà te keniyu he iyan a mismu ebpedsivey te melambù wey meǥasà he menge kerehidu.


Umbe siak, is Nengazen he MEGBEVAYÀ, iyan a ebpekigkuntada keniyu. Edsilutan ku sikiyu te silut he egkaahà te menge etew ziyà te menge nasyun.


He menge vuvungan te Israel, menge zal-ug wey menge suǥud, pemineǥa niw is egkeǥiyen te Nengazen he MEGBEVAYÀ: Ebpeeǥiyan ku sikiyu te tebek, ne ebpemengkaǥen ku is menge simbahan niw ziyà te metikang he menge lugar.


Umbe, ibpeǥezaman ku kandan is pauk ku. Kenè ku sikandan egkehizuwan. Minsan ikulahì dan pa te mezaǥing is kebuyù dan te tavang kayi te kediey, ne kenè ku sikandan ebpemineǥen.”


Penhimetayi niw is menge meǥurang, menge vetan-en he menge maama wey menge vahi, menge iney, menge vatà, piru kenè niw kevuta is duen dan menge marka. Diyè kew puun te valey ku.” Umbe midhuna zan penhimetayi is menge pengulu he ziyà te egkesineruwan duen te valey te Nengazen.


“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.


Su edsurungen ku is Israel wey Juda he iring a te erimaung he ebpitaspitas te egkezawi zin. Iyan a mismu edezaat kandan. Ed-uwiten ku sikandan diyà te zuma he menge nasyun, ne wazà ebpekelibri kandan.


ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.


Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.


우리를 팔로우하세요:

광고


광고