Jeremias 23:32 - Manobo Western Bukidnon OT

³² Kuntada ku is menge ebpeneuven he ebpenudtul te tarù he menge teǥeinep dan, ne midtazin dan is menge etew ku pinaaǥi te kebpenarùtarù dan. Wazè ku sikandan suǥùa te kebpenudtul. Umbe, wazà minsan hengkey he keupiyaanan he igkeveǥey zan diyà te menge etew. Iyan a, is Nengazen, is migkaǥi kayi.

Jeremias 23:32 교차 참조

Job 13:4

Su ebpenigudu kew he ebawì kedì te ketetarù niw. Pudu kew iring te duktur he wazè din pulus.

Isaias 3:12

Migkaǥi is Nengazen te, “Edèdaaǥen te menge vetan-en is menge etew ku. Iyan ebpengulu kandan is menge vahi. “Sikiyu is menge etew ku, edtezinen kew te menge pengulu niw. Diyè kew zan ibpeikul te kenà hustu he zalan.”

Isaias 9:15

Is ulu iyan is ebpemendumala wey menge dungganen he menge etew, ne is ikug iyan is teruen he menge ebpeneuven.

Jeremias 23:13

“Neehè ku he utew subra is kelelalung te menge ebpeneuven diyà te Samaria, su edheǥeten dan is menge tagnè dan pinaaǥi te ngazan ni Baal ne midtazin dan is menge etew ku he Israilihanen.

Jeremias 23:16

Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Jeremias 23:25

“Nezineg ku is tarù he mibpengaǥi te menge ebpeneuven he midheǥet dan pinaaǥi te ngazan ku. Egkaǥi sikandan te, ‘Duen menge lalag he migkaǥi te Nengazen diyà te kenami pinaaǥi te teǥeinep!’

Jeremias 23:31

Kuntada ku zaan is menge ebpeneuven he ebpenudtul te kandan dà he menge lalag ne egkeǥiyen dan te iyan a migkaǥi.

Jeremias 29:31

“Ipetueni heini he menge lalag te langun he menge vihag. Keǥiyi nu sikandan he iyan heini migkaǥi ku vahin ki Shemaya he tig-Nehelam: Wazè ku suǥùa si Shemaya te kebpenudtul ziyà te keniyu. Impetuu kew zin te tarù din.

Jeremias 7:8

“ ‘Piru hengkey is mibeelan niw! Midsarig kew te tarù he menge lalag he kenà ebpeketavang keniyu.

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Penhulùhulù 3:37

Wazà minsan hengkey he egkehitavù he wazà ituǥut te Nengazen.

Zefanias 3:4

Is menge ebpeneuven diyà te kandan ne menge teruen ne kenà egkeseriǥan. Midremerikan te menge memumuhat dan is baley te Nengazen wey midsupak dan is Kesuǥuan te Megbevayà.

Zacarias 10:2

Benar iyan, kenà ereg he edtuuwan is duma he menge ed-ezapen wey is menge menenagnà. Edseysey zan te sayep he kehuluǥan te menge teǥeinep. Wazà pulus te menge lalag dan he idasig. Umbe neiring is menge etew te Israel te menge kerehidu he nengetazintazin. Nerasey zan su wazè dan pengulu.

Deuteronomio 18:20

Kinahanglan he edhimetayan is ebpeneuven he wazè ku suǥua te kedlalag he egkaǥi he midsuǥù ku etawa egkaǥi te midsuǥù sikandin te selakew en he menge ed-ezapen.’