Jeremias 23:16 - Manobo Western Bukidnon OT

¹⁶ Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Jeremias 23:16 교차 참조

1 Hadì 22:11

Si Zedekia he sevaha te menge ebpeneuven, he anak ni Kenaana, mibaal te mid-iring te sungey he putew. Ke sikandin te, “Iyan heini migkaǥi te Nengazen: Pinaaǥi kayi he sungey, edezeetan nu, Hadì Ahab, is menge Aramihanen taman te egkaamin sikandan.”

2 Hadì 17:15

Inselikwey zan is menge sulunuzen wey is kebpekid-uyun kandan te Nengazen he midhimu zin diyà te menge kepuun dan, ne wazè dan seǥipaa is menge petizaan din kandan. Midsunud dan is wazè din pulus he zuma he menge ed-ezapen, ne nehimu sikandan he wazà menge pulus. Mid-iringan dan is menge etew ziyà te menge nasyun he nekeelingkus kandan minsan mibmenduan sikandan te Nengazen he kenè dan heini iringi. Mibeelan dan is menge vaal he indawey kandan te Nengazen.

2 Cronica 18:5

Umbe, impetawag ni Ahab is menge ebpeneuven–400 sikandan langun, ne mid-insà te, “Egenat key ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Megbevayà he mekezaag ka!”

Erubasa 19:27

Mama, emun kenè nu ebpemineǥen is menge penurù ku kenikew, ne idselikwey nu is menge penurù he ebpekeveǥey te ketau.

Jeremias 14:14

Midtavak is Nengazen, “Ne haazà he menge ebpeneuven tarù is menge tagnè dan pinaaǥi te ngazan ku. Wazè ku sikandan suǥùa, ne wazà a mebpekidlalag kandan. Is inseysey zan keniyu he nengelewasan dan ne kenà diyà ebpuun te kediey; is menge tagnè dan he wazè din pulus diyè dà ebpuun te limbungan he isip dan.

Jeremias 2:5

Iyan heini migkaǥi te Nengazen: “Hengkey is sayep ku he naahà te menge kepuun niw he iyan hinungdan te kebpekeziyui zan kedì? Iyan dan midsunud is menge ed-ezapen he wazà menge pulus, ne tenged dutun nehimu zaan sikandan he wazà menge pulus.

Jeremias 23:21

Wazè ku suǥua heini he menge ebpeneuven, piru migenat sikandan gihapun. Wazè ku sikandan lelaǥi, piru nenagnè dan ded.

Jeremias 23:26

Keenu ves buwa sikandan ed-engked he egkaǥi te tarù he ebpuun dà diyà te limbungan he isip dan?

Jeremias 29:23

Egkehitavù heini kandan su nekevaal zan te mezaat he vaal ziyà te Israel. Nengumpadi sikandan te esawa te zuma wey migamit dan is ngazan ku zutun te kedtarùtarù dan, ne wazà ku isuǥù kandan is kebaal kayi. Netuenan ku heini is mibeelan dan, ne igkepeehè ku is puriba kayi. Iyan a, is Nengazen, is migkaǥi kayi.”

Jeremias 29:8

Migkaǥi pa is Nengazen he Mekeǥeǥehem, he Megbevayà te Israel te, “Kenè kew peuwit te menge ebpeneuven wey menge menenagnà he ziyà te keniyu. Kenè niw zaan tuuwi is menge teǥeinep dan,

Jeremias 9:12

Mid-insaan ku is Nengazen, “Hentei is uluwanen he etew he ebpekesavut kayi he menge hitavù? Hentei is midseysayan nu mehitenged kayi he iyan ebpekepesavut kayi? Ke maan is nezeetan heini he tanà he henduen be te nehimu he sibsivayan he wazè en duen ebayà?”

Jeremias 9:20

Guntaan, sikiyu is menge vahi, pemineǥa niw is migkaǥi te Nengazen. Purungi niw heini pemineǥa. Penurua niw is menge anak niw he menge vahi wey menge zuma niw te kedruǥur wey te kegkanta para te minatey.

Penhulùhulù 2:9

Netembunan te tanà is menge pultahan te inged. Nengevengkag is menge terangka kayi, su mibpemadti heini te Nengazen. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te Nengazen.

Ezekiel 13:16

he iyan is menge ebpeneuven diyà te Israel he midtagnà he meupiya is kebpekesavuk te menge etew ziyà te Jerusalem, minsan pa te iyan tutuu is kenà heini meupiya. Iyan a, is Nengazen he MEGBEVAYÀ, is migkaǥi kayi.

Ezekiel 13:23

Umbe, kenè kew en ebpekelawas te tarù is ibpesavut din wey kenè kew en ebpekehimu he ebpenagnà. Edlibriyen ku is menge etew ku puun te ǥehem niw. Ne zutun egketuenan niw he iyan a Nengazen.”

Ezekiel 13:3

Iyan a, is Nengazen he MEGBEVAYÀ, migkaǥi he mekehizuhizu is tulebung he menge ebpeneuven he ebaalvaal zà te menge tagnè dan he wazè dan nelewasan.

Ezekiel 13:6

Kenà tutuu is nelewasan dan ne tarù is menge tagnè dan. Kesikandan te ebpuun diyà te Nengazen is menge lalag dan, piru iyan tutuu is wazè ku sikandan suǥua. Ne ebperateng pa sikandan te kegketuman te mibpengaǥi zan.

Ezekiel 22:28

Is menge ebpeneuven diyà te kandan edtembunan dan is menge salè dan pinaaǥi te uvag kebpekelawas dan wey menge tagnè dan he vinèbeelan dan dà. Egkeǥiyen dan he iyan kun haazà migkaǥi te Nengazen he MEGBEVAYÀ minsan pa te iyan tutuu is wazà haazà keǥiya te Nengazen.

Micas 2:11

Is egkesuatan niw he megwewali iyan sikan is egkaǥi te wazè din pulus, limbungan, wey teruen, he iyan heini idwali zin: ‘Ed-uzaren kew te vinu wey zuma pa he inumen.’ ”