Jeremias 23:15 - Manobo Western Bukidnon OT

¹⁵ “Umbe siak, is Nengazen he Mekeǥeǥehem, migkaǥi a mehitenged kayi te menge ebpeneuven te: Ibpekaan ku sikandan te mepait he menge keenen wey ibpeinum ku te inumen he edsehuǥan te hilu; su tenged kandan midelandap en is kelelalung keniyan te tivuuk he tanà.”

Jeremias 23:15 교차 참조

Salmo 69:21

Midsevukan dan hinuun te hilu is keenen ku, ne hein egkemezahan a, sukà is imbeǥey zan kedì.

Jeremias 14:15

Umbe siak, is Nengazen, egkaǥi a he edsilutan ku heini is teruen he menge ebpeneuven. Ebpenagnè dan pinaaǥi te ngazan ku, minsan wazè ku sikandan suǥua. Egkaǥi pa sikandan he wazà tebek wey vitil he egkehitavù kayi he nasyun. Piru heeyan he menge ebpeneuven egkengezeetan gihapun pinaaǥi te tebek wey vitil.

Jeremias 8:14

“Ne zutun egkaǥi sikandan te, ‘Na, hengkey pa is edteǥazan tew? Kuwa kew en su edhendiyè kiw te menge inged he vinerengbeng, ne zutun kiw ebpekimatey. Su iyan en hukum te Nengazen he Megbevayè tew is edhimetayan kiw. Iring te mibeǥayan kiw zin te wahig he zuen duen hilu he egkeinum tew, su ǥeina te nekesalè kiw ziyà te kandin.

Jeremias 9:14

Iyan dan nasì midsunud is kemesinupaken te ǥehinawa zan. Mid-azap dan is duma he menge ed-ezapen sumalà te impenurù kandan te menge kepuun dan.

Jeremias 9:15

Umbe siak, is Nengazen he Mekeǥeǥehem, he Megbevayà te Israel, migkaǥi a te ibpekaan ku heini he menge etew te mepait he menge keenen wey ibpeinum ku te wahig he zuen duen hilu.

Penhulùhulù 3:15

Pudu zà mepait he kemeresayan is imbeǥey zin kediey.

Penhulùhulù 3:19

Emun ed-is-isipen ku is kemeresayan ku wey kegketazintazin ku ne utew heini maitpait he kebpekesavuk.

Penhulùhulù 3:5

Midsurung e zin ne utew subra is kegkeseeng ku wey kegkerasey ku.

Deuteronomio 29:18

Sigureduwa niw he wazà diyà te keniyu maama, bahi, pemilya, etawa tribu he ed-iniyug te Nengazen he Megbevayè tew, ne ed-azap te menge ed-ezapen te menge etew zutun he menge nasyun, para wazà minsan sevaha keniyu he egkeiring te zalid he edtuvù he mepait wey edhilu.