Jeremias 23:14 - Manobo Western Bukidnon OT

¹⁴ Piru neehè ku he edlavew pa he lalung is menge ebpeneuven diyà te Jerusalem. Mid-azap dan te zuma he menge ed-ezapen ne midtarùtarù dan pa. Ed-iniyaten dan is menge lalung te kebpeiseg te kelelalung dan. Umbe wazè dan engkezi is kelelalung dan. Is menge etew ziyà te Jerusalem, iring kezaat te menge etew ziyà te Sodom wey Gomora.

Jeremias 23:14 교차 참조

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 18:20

Ne migkaǥi zutun is Nengazen diyà te ki Abraham te, “Utew kun mezaat is menge ulaula te menge tig-Sodom wey menge tig-Gomora wey utew kun meveǥat is menge salè dan.

Genesis 19:24

Segugunà mibpeuzan is Nengazen te egkeregreg he esupri ziyà te inged he Sodom wey Gomora.

Genesis 19:25

Pinaaǥi zutun midlimas te Nengazen haazà is dezuwa he inged wey sikan is tivuuk he suǥud. Neǥerà is langun he menge meǥinged dutun wey nezeetan is langun he edtuvù dutun.

Isaias 9:15

Is ulu iyan is ebpemendumala wey menge dungganen he menge etew, ne is ikug iyan is teruen he menge ebpeneuven.

Jeremias 14:14

Midtavak is Nengazen, “Ne haazà he menge ebpeneuven tarù is menge tagnè dan pinaaǥi te ngazan ku. Wazè ku sikandan suǥùa, ne wazà a mebpekidlalag kandan. Is inseysey zan keniyu he nengelewasan dan ne kenà diyà ebpuun te kediey; is menge tagnè dan he wazè din pulus diyè dà ebpuun te limbungan he isip dan.

Jeremias 18:13

Umbe, iyan heini migkaǥi te Nengazen: “Duen be nehitavù diyà te zuma he menge nasyun he migkaǥi te iring kayi? Is Israel he iring te vahi he wazè pa mehileveti mibaal te utew mezaat he vaal.

Jeremias 20:16

Deyzey ke heeyan he etew egkeiring te menge inged he midezeetan te Nengazen he wazè din mehizuwi is menge meǥinged duen. Berakat he mezineg din seled te tivuuk he andew is erang wey kulehian dutun te timpu te tebek.

Jeremias 23:17

Iyan heini layun egkeǥiyen dan diyà te menge etew he edsudì kedì wey ebpezumazuma te mesinupaken he ǥehinawa zan: ‘Egkehimu he utew meupiya is kebpekesavuk niw, migkaǥi is Nengazen. Wazà mezaat he egkehitavù keniyu.’

Jeremias 23:22

Emun pezem netuenan dan ke hengkey is diyà te isip ku, midtudtul zan en pezem is menge lalag ku ziyà te menge etew ku, su para meengkezi zan is mezaat he menge vetasan dan wey menge vaal zan.

Jeremias 23:32

Kuntada ku is menge ebpeneuven he ebpenudtul te tarù he menge teǥeinep dan, ne midtazin dan is menge etew ku pinaaǥi te kebpenarùtarù dan. Wazè ku sikandan suǥùa te kebpenudtul. Umbe, wazà minsan hengkey he keupiyaanan he igkeveǥey zan diyà te menge etew. Iyan a, is Nengazen, is migkaǥi kayi.

Jeremias 29:21

Iyan heini migkaǥi te Nengazen he Mekeǥeǥehem, he Megbevayà te Israel, mehitenged ki Ahab he anak ni Kolaya wey ki Zedekia he anak ni Maasea, “Heini he menge etew egkaǥi te tarù diyà te keniyu, ne egemiten dan is ngazan ku. Umbe ibeǥey ku sikandan ki Hadì Nebucadnezar he hadì te Babilonia ne ibpehimetayan din sikandan diyà mismu te etuvangan niw.

Jeremias 29:23

Egkehitavù heini kandan su nekevaal zan te mezaat he vaal ziyà te Israel. Nengumpadi sikandan te esawa te zuma wey migamit dan is ngazan ku zutun te kedtarùtarù dan, ne wazà ku isuǥù kandan is kebaal kayi. Netuenan ku heini is mibeelan dan, ne igkepeehè ku is puriba kayi. Iyan a, is Nengazen, is migkaǥi kayi.”

Jeremias 36:2

“Kuwa ka te linulun he suratà ne isurat nu is langun he migkaǥi ku kenikew vahin te Israel, Juda, wey langun he menge nasyun. Isurat nu is langun he migkaǥi ku puun te puunà te kebpekidlalag ku kenikew (hein si Josia pa is hadì diyà te Juda) taman en guntaan.

Jeremias 49:18

Iring te nezeetan is Sodom wey Gomora wey is menge inged diyà te peliǥuy kayi, egkezeetan daan is Edom. Ne wazè en ed-ubpà dutun. Iyan a, is Nengazen, is migkaǥi kayi

Penhulùhulù 4:6

Is insilut diyà te zuma ku he menge meǥinged, ne subra pa te insilut diyà te menge tig-Sodom he midtik-ew zèdeeti te Megbevayà he wazà neketevang kandan.

Ezekiel 13:16

he iyan is menge ebpeneuven diyà te Israel he midtagnà he meupiya is kebpekesavuk te menge etew ziyà te Jerusalem, minsan pa te iyan tutuu is kenà heini meupiya. Iyan a, is Nengazen he MEGBEVAYÀ, is migkaǥi kayi.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Ezekiel 22:25

Is menge pengulu zan mibpelanu te mezaat. Iring sikandan te edhiniǥer he erimaung he ebpenhimatey te menge etew. Ebpenguwa zan te menge ketiǥeyunan wey mahalen he menge azen. Mahabet is egkevalu tenged te kebpenhimatey zan.

Hoseas 6:10

He menge tig-Israel, utew grabi is neehè ku ziyà te keniyu; ed-azap kew te zuma he menge ed-ezapen, umbe nehimu kew he meremerik.

Amos 4:11

“Midezeetan ku is duma keniyu iring te mibeelan ku ziyà te Sodom wey Gomora. Ne is duma keniyu he nekelingkawas neiring te kayu he midsekelew puun te hapuy. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Micas 1:5

Egkehitavù heini is langun tenged te mibaal te salà is menge etew te Israel wey Juda. Is menge tig-Samaria, iyan midtukù te zuma he menge meǥinged diyà te Israel te kebaal te salà. Is menge tig-Jerusalem, iyan midtukù te zuma he menge meǥinged diyà te Juda te ked-azap te zuma he menge ed-ezapen.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Zefanias 3:4

Is menge ebpeneuven diyà te kandan ne menge teruen ne kenà egkeseriǥan. Midremerikan te menge memumuhat dan is baley te Nengazen wey midsupak dan is Kesuǥuan te Megbevayà.

Malakias 1:1

Iyan heini lalag te Nengazen para te menge tig-Israel pinaaǥi ki Malakias.

Deuteronomio 32:32

Ne is menge kuntada tew, he iring kezaat te menge meǥinged dengan diyà te Sodom wey Gomora, iring sikandan te mepait he paras wey ebpekehilu zaan is beǥas din.