Jeremias 23:11 - Manobo Western Bukidnon OT

¹¹ Iyan heini migkaǥi te Nengazen: “Is menge memumuhat wey is menge ebpeneuven pudu kenà edsunud te Megbevayà, ne mibaal sikandan te mezaat minsan diyà te valey ku.

Jeremias 23:11 교차 참조

2 Cronica 33:5

Impelastar zin heini he menge pemuhatà diyà te zezuwa he lama zuen te valey te Nengazen ne egemiten haazà he menge pemuhatà te ked-azap te langun he merayag he egkengaahà diyà te langit.

2 Cronica 33:7

Insavuk din diyà te valey te Megbevayà is ledawan he mibpeveelan din he iyan man pezem heini sikan is simbahan he migkaǥi te Megbevayà diyà te ki David wey ziyà te anak din he si Solomon, he ke sikandin te, “Wazà pidtemanan te kebeǥayi kedì te zengeg kayi te valey ku wey kayi te Jerusalem he iyan kes lugar he nepilì ku ziyà te langun he menge lugar te langun he menge tribu te Israel.

2 Cronica 36:14

Ne gawas kandin, minsan is lavew he menge memumuhat wey is menge pengulu te menge etew midluib en te Megbevayà. Mid-iringan dan is utew mezaat he vaal te menge etew ziyà te zuma he menge nasyun ne midremerikan dan is baley te Nengazen, he mid-isip din he segradu he lugar ziyà te Jerusalem.

Ezra 10:18

Iyan heini menge maama he nemengesawa te kena menge Israilihanen, ne midsaad sikandan he edsuwayan dan is menge esawa zan: (Nemuhat is kada sevaha kandan te meemahan he kerehidu he vayad te salè dan.) Diyà te menge memumuhat: si Maasea, Eliezer, Jarib, wey si Gedalia, he ebpuun diyà te pemilya ni Jeshua he anak ni Jozadak wey is menge suled din;

Jeremias 11:15

Is menge etew he mibmahal ku mibaal te mahabet he mezaat he menge vaal. Guntaan, wazè dan ketenged te kedhendiyà te valey ku he ed-ezapan. Is menge pemuhat dan kenà ebpekeeǥen te kezeetan he ebpekeuma ziyà te kandan. Emun ebaal zan te mezaat igkelipey zan pa heini!”

Jeremias 23:15

“Umbe siak, is Nengazen he Mekeǥeǥehem, migkaǥi a mehitenged kayi te menge ebpeneuven te: Ibpekaan ku sikandan te mepait he menge keenen wey ibpeinum ku te inumen he edsehuǥan te hilu; su tenged kandan midelandap en is kelelalung keniyan te tivuuk he tanà.”

Jeremias 32:34

Diyà te valey ku he mibpilì ku he zutun a ebeǥayi te zengeg, ne midremerikan dan heini pinaaǥi te kedsevuki zan te utew mezaat he menge ed-ezapen.

Jeremias 5:31

Is menge ebpeneuven tarù is tagnè dan. Is menge memumuhat kandan he keǥehem is egemiten dan te kedumala zan. Ne nekaangey kayi is menge etew ku. Piru hengkey vuwa is ebeelan dan emun egkeume en is ketepusan he timpu?”

Jeremias 50:6

“Is menge etew ku neiring te netazin he menge kerehidu. Mibey-anan sikandan te menge ebantey kandan he metazin diyà te menge vuntud wey menge vuvungan, ne kenè ne sikandan ebpeketuredu he ed-ulì.

Jeremias 6:13

“Puun te kinemevevaan pehendiyà te kinetikangan is ked-etew zin, ne ebpenlimbung su para mekeselapì. Minsan is menge ebpeneuven wey is menge memumuhat ne ebpengilad daan.

Jeremias 7:30

Migkaǥi is Nengazen te, “Mezaat is menge vaal te menge etew ziyà te Juda. Diyè dan ipenavuk is utew mezaat he menge ed-ezapen dan te valey ku, he mibpili ku he zutun a ebeǥayi te zengeg, ne tenged dutun mibmeremerik heini.

Jeremias 8:10

Umbe, ibeǥey ku ziyà te zuma he menge etew is menge esawa zan wey menge vevesukè dan. Su ǥeina te puun te kinemevevaan pehendiyà te kinetikangan is ked-etew zin, ne ebpenlimbung dan su para mekeselapì. Minsan is menge ebpeneuven wey is menge memumuhat edpenlimbung daan.

Penhulùhulù 2:20

He Nengazen, tengtengi key kenikew. Is-isipa nu ke hentei key is impaantus nu te iring kayi. Tenged te utew kegkevitil, migkaan te menge iney is ed-elimahan dan he menge anak dan. Is menge memumuhat wey menge ebpeneuven mibpenhimetayan diyà te valey nu.

Ezekiel 44:10

“Mehitenged te menge kevuwazan ni Levi he mid-awà kayi te kedì su mibpekiduma te zuma he menge Israilihanen te ked-azap te menge ed-ezapen dan, ebpekaantus sikandan tenged te menge salè dan.

Ezekiel 7:20

Impegalbu zan is mekempet he menge elahas dan, ne migamit dan heini wey zan mekavaal te ledawan te utew mezaat he menge ed-ezapen dan. Umbe edhimuwen ku is menge ketiǥeyunan dan he iring te meremerik he menge vutang para kandan.

Ezekiel 8:11

Ne ziyà te egkesineruwan kayi edhithitindeg is 70 he menge edumala te Israel, ne is sevaha kandan iyan si Jaazania he anak ni Shafan. Is kada sevaha kandan egawed te teleǥuey te veyewà, ne edlipuwak is mekepal he evel te veyewà.

Ezekiel 8:16

Ne mid-uwit e zin diyà te seled he lama duen te valey te Nengazen. Ne ziyà te ǥemawan te valey te Nengazen he ziyà te pid-elangan te varkun wey pemuhatà, duen 25 he menge etew. Ed-iniyug sikandan duen te valey te Nengazen he edsinaru ziyà te edsilaan su ed-ezapen dan is edsilà he andew.

Zefanias 3:3

Is menge upisyal zan henduen be te edhiniǥer he erimaung. Is menge pengulu zan henduen be te zumezaas he asu, ne ebpen-ahà te egkezeesan din emun mezukilem, ne haazà ne ed-eminen din te edaas ne wazà egkesamà ke meselem.

Zefanias 3:4

Is menge ebpeneuven diyà te kandan ne menge teruen ne kenà egkeseriǥan. Midremerikan te menge memumuhat dan is baley te Nengazen wey midsupak dan is Kesuǥuan te Megbevayà.