Jeremias 22:26 - Manobo Western Bukidnon OT

²⁶ Idtimbag ku sikew wey is iney nu ziyà te selakew en he lugar, he kenà iyan mid-anakan keniyu, ne zutun kew is dezuwa ebpatey.

Jeremias 22:26 교차 참조

2 Hadì 24:15

Mibihag ni Nebucadnezar si Jehoyakin ne mid-uwit din diyà te Babilonia, ragkes en is iney zin, menge esawa zin, menge upisyal wey dungganen he menge etew ziyà te Juda.

2 Hadì 24:8

Mibpenuiǥen si Jehoyakin te 18 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te tetelu he vulan. Is iney zin iyan si Nehusta he anak ni Elnatan he tig-Jerusalem.

2 Hadì 25:27

Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-27 he andew te ike-12 he vulan dutun he tuig.

2 Hadì 25:29

Umbe, wazè en mebivisti si Jehoyakin te visti te pinirisu, ne puun dutun dumè en sikandin duen te hadì emun egkaan dan.

2 Hadì 25:30

Ne kada andew ebeǥayan sikandin duen te hadì te menge kinahanglan din seled te tivuuk he untung din.

Isaias 22:17

Bantey ka su minsan mekeǥeǥehem ka, ne edekepen ka te Nengazen, ne idtimbag ke zin.

Jeremias 10:18

Su iyan heini migkaǥi te Nengazen: Pemineg kew! Ibpaawè ku sikiyu kayi he tanà. Edresayen ku sikiyu wey niw meǥezami is pauk ku.

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 16:13

Umbe, edsegseǥen ku sikiyu puun kayi he tanà pehendiyà te tanà he sikiyu wey is menge kepuun niw wazè niw zuen hanew. Ne zutun ebpekevayèbayè kew te kedsilbi te zuma he menge ed-ezapen; ne kenè ku sikiyu egkehizuwan.

Jeremias 22:27

Kenè kew en ebpekelikù diyà te tanà he iyan pezem suat niw he mekelikù kew zutun.

Jeremias 28:4

Ibpelikù ku zaan kayi si Hadì Jehoyakin he hadì te Juda he anak ni Jehoyakim, wey is langun he menge tig-Juda he mibihag diyà te Babilonia, su egevaan ku en is gehem te hadì te Babilonia. Iyan a, is Nengazen, is migkaǥi kayi.”

Jeremias 44:14

Ebpematey kew is langun he nengesamà he uuyag he menge tig-Juda he mid-ubpà diyà te Ehipto. Kenè kew en ebpekelikù diyà te Juda, he egkesuat kew pezem edlikù su ziyà kew ed-ubpà. Wazà ebpekelikù keniyu he egkelibri gawas te egkepipira he ebpekepelaǥuy.”