Jeremias 22:15 - Manobo Western Bukidnon OT

¹⁵ Egkeisip nu ve is egkehimu ka he ventuǥan he hadì emun ebpekepehitindeg ka te turuǥan he sidru? Maan is kenè nu edsunuzen is amey nu? Hustu wey metazeng is menge vaal zin, umbe mid-uswag sikandin wey meupiya is kebpengungubpaan din.

Jeremias 22:15 교차 참조

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

1 Hadì 10:9

Ereg he edeliǥen is Nengazen he Megbevayè nu, nelipey kenikew wey midhimu kenikew he hadì te Israel. Tenged te wazà pidtemanan he ǥaǥew te Nengazen te menge Israilihanen, midhimu ke zin he hadì su para egkezumahan te hustu he kukuman wey ketazeng is kegemita nu te ǥehem nu.”

2 Hadì 22:2

Meupiya is baal zin diyà te etuvangan te Nengazen ne mid-iringan din is ulaula te kepuun din he si David. Midsunud din is hustu.

2 Hadì 23:25

Wazè pa hadì he iring ki Josia he edsunud te egkesuatan te Nengazen te ebpuun te tivuuk he gehinawa zin, tivuuk he kedsavut din, tivuuk he zesen din. Mibpurungan din tumana is langun he Kesuǥuan ni Moises. Ne wazà iring kandin duen te nekesunud he menge hadì.

1 Cronica 3:15

Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum.

2 Cronica 34:2

Meupiya is baal zin diyà te etuvangan te Nengazen ne mid-iringan din is ulaula te kepuun din he si David. Midsunud din is hustu.

2 Cronica 35:22

Piru meheǥet diyà te gehinawa ni Josia is kebpekidtebek. Wazà sikandin mebpemineg ki Neco te migkeǥiyan te Megbevayà, kekenà, midsurung din si Neco ziyà te suǥud te Megido.

2 Cronica 35:26

Is duma pa he ǥuǥud mehitenged te kedhadì ni Josia, puun te puunà taman te ketepusan, ne ingkesurat diyà te Libru he Midsuratan te menge Keguǥuza te menge Hadì te Israel wey Juda. Ingkesurat daan kayi is bahin te kebmahala ni Josia te Nengazen he impeehè din pinaaǥi te kedtuman din te Kesuǥuan te Nengazen.

Erubasa 20:28

Emun hihizuwen wey metinumanen is sevaha he hadì, ne wazà ebpekezezaat kandin ne ebpedayun is kedhadì din.

Erubasa 21:3

Lavew pa he igkesuat te Nengazen is ked-ulaula te etew te meupiya wey metazeng kenà is kebpemuhat din te menge ibpemuhat.

Erubasa 25:5

Iring din ded daan emun ibpaawà te hadì is lalung he peresambag din, ne egkelig-enan is kedumala zutun te hadì pinaaǥi te ketazeng.

Erubasa 29:4

Emun iyan igkeseeng te hadì is ked-ikul te hustu he kukuman, egkelig-enan is ginhedian din, puru emun ebpeheheramham sikandin su egkesuat he edsipsipan, ne edezeetan din is ginhedian din.

Erubasa 31:9

Emun egkukum ka ne ipeikul nu te hustu he kukuman, ne levani nu is ketenged te menge pubri.

Megwewali 10:17

Iyan, utew zeyzey is nasyun he is hadì duen neetew he ebpuun te pemilya he meupiya is dengeg din, ne is menge pengulu zuen id-ehè dan te hustu he timpu is kedlipeylipey zan pinaaǥi te kegkaan wey egkeeǥen dan is suat dan ne kenè dan ebpekepelelangut.

Megwewali 2:24

Umbe, is utew meupiya he ed-ul-ulahan te etew iyan is kegkaan wey ked-inum, kedlipeylipey zuen te hineǥuan din. Ne neisip ku he minsan heini ebpuun diyà te Megbevayà.

Isaias 3:10

Keǥiyi niw is menge metazeng te meupiya is ukur zan, su egkeraǥun dan is beǥas te meupiya he menge vaal zan.

Isaias 33:16

Iyan heini ked-etew te menge etew he ebpekelingkawas te vangkit, ne iring te ziyè dan med-ubpà te metikang he menge lugar, ne iyan egkehimu he endilungè dan is dezekelà he menge vatu. Ne kenà sikandan egkeewaan te keenen wey wahig.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Jeremias 22:18

Umbe, iyan heini migkaǥi te Nengazen mehitenged ki Hadì Jehoyakim he hadì te Juda, he anak ni Josia: “Wazà egkeseeng emun ebpatey sikandin. Is pemilya zin, is menge upisyal zin, wey kandan he ginsekupan ne kenà egkeseeng kandin.

Jeremias 22:3

Migkaǥi is Nengazen te: Baal kew te hustu wey metazeng. Tevangi niw is menge mibpenekawan; libriya niw sikandan puun te gehem te midrasey kandan. Kenè niw dèdaaǥa wey pesipelahi is kenà menge Israilihanen, is menge ilu, wey is menge valu. Kenè kew zaan himatey te wazà mekesalà.

Jeremias 23:5

Migkaǥi pa is Nengazen te, “Egkeuma is timpu he ibpahadì ku is sevaha he metazeng he hadì he kevuwazan ni David. Edhadì sikandin he zuen din ketau, ne edhimuwen din is metazeng wey hustu para kayi he tanà.

Jeremias 42:6

Mesuati zey heini se kenà, ne ebpezumdumahan dey is Nengazen he Megbevayè dey, su wey mebmeupiya is langun para kenami.”

Jeremias 7:5

“ ‘Helina niw is betasan wey ulaula niw. Ipedrerepeng niw is kedseǥipaa niw te kada sevaha.

Deuteronomio 4:40

Tumana niw is menge suǥù din wey is menge sulunuzen he ibeǥey ku guntaan diyà te keniyu, su para wazà mezaat he egkehitavù keniyu wey te menge kevuwazan niw, wey para mebmeluǥayad is untung niw zuen te tanà he ibeǥey keniyu te Nengazen he Megbevayè niw he egkaangken niw taman te taman.”