Jeremias 21:6 - Manobo Western Bukidnon OT

⁶ Egeraan ku is langun he ed-ubpà kayi he inged, etew etawa ayam. Ebpematey sikandan te grabi he zaru.

Jeremias 21:6 교차 참조

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

Jeremias 14:12

Minsan mebpuasa pa sikandan, ne kenè ku ebpemineǥen is kebuyù dan te tavang kayi te kediey. Minsan mebpemuhat pa sikandan te menge pemuhat he edtutungen wey pemuhat he para gasa, ne kenè ku heini edewaten. Kekenà, ebpenhimetayan ku sikandan pinaaǥi te tebek, bitil, wey menge vangkit.”

Jeremias 16:4

Ebpematey sikandan tenged te grabi he zaru. Wazè en egkesamà he egkeseeng wey edleveng kandan, kekenà, ebpekepeyapat is menge lawa zan he henduen be te menge tai he ebpekepeyapat diyà te tanà. Is duma kandan ebpematey tenged te tebek wey vitil, ne egkeenen sikandan te menge tagbis wey zumezaas he menge langgam.”

Jeremias 20:4

Su iyan heini migkaǥi te Nengazen: Igkeherati nu is kebpekesavuk nu wey is kebpekesavuk te langun he menge emiǥu nu. Egkeseksiyan nu is kebpenhimetayi kandan te menge kuntada zan diyà te tebek. Ibeǥey ku is tivuuk he Juda ziyà te hadì te Babilonia. Is duma he menge meǥinged kayi ebpenhimetayan, ne is duma ebihaǥen.

Jeremias 32:24

Ne ǥuntaan midtambù te tanà is menge tig-Babilonia kayi te kilid te verengbeng te Jerusalem he egkeveyaan dan te kedseled dan kayi te inged su wey zan maaǥew heini. Ne tenged te tebek, bitil, wey zaru, egkaaǥew te menge tig-Babilonia heini is inged su iyan heeyan migkaǥi nu.

Jeremias 33:12

Migkaǥi pa is Nengazen he Mekeǥeǥehem te, “Kayi te mekevulungbulung he tanà guntaan, ne wazè en duen menge etew wey menge langgam, iyan diyà te huziyan he timpu duen en maan menge penebtavà diyà te langun he menge inged kayi he zutun ed-uwita te menge vantey te menge kerehidu is menge kerehidu zan.

Jeremias 34:17

“Umbe siak, is Nengazen, migkaǥi a te geina te wazà a keniyu pezumdumahi su wazè niw veǥayi te vayàbayà is menge uripen niw he iring niw he Hebriyuhanen, ebeǥayan ku sikiyu te vayàbayà he ebpematey pinaaǥi te tebek, bitil, wey menge zaru. Tenged te egkeulaula keniyu egkelimezangan is langun he ginhedian kayi te kelibutan.

Jeremias 36:29

Ne keǥiyi nu sikan is hadì te iyan heini migkaǥi ku, ‘Midtutung nu sikan is linulun he velesahan su nekaǥi zutun he edezeetan te hadì te Babilonia heini he tanà ne ebpenhimetayan din is menge etew wey menge uyaǥen.

Jeremias 42:22

Umbe, egkeǥiyen ku keniyu he siguradu he ebpematey kew te tebek, bitil, wey zaru diyà te Ehipto, he iyan egkesuatan niw te ed-ubpa.”

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Ezekiel 12:16

Piru edtuǥutan ku is egkepipira kandan he mekelingkawas te tebek, bitil, wey zaru su wey zan metudtul ziyà te menge nasyun he egkepeveyaan dan is utew mezaat he menge vaal zan. Ne zutun egketuenan dan he iyan a Nengazen.”

Ezekiel 14:13

“Sikew is etew, emun ebpekesalà kayi te kediey is menge etew ziyà te sevaha he nasyun pinaaǥi te kedluivi zan kediey, edsilutan ku sikandan, ne id-awè ku is ebpuunan te keenen dan. Ebpeeǥiyan ku sikandan te vitil su wey zan mebpematey duma te menge uyaǥen dan.

Ezekiel 14:17

“Ne emun daan tebek is ibpaaǥi ku keniyan he nasyun su wey meǥerà is menge meǥinged kayi duma te menge uyaǥen dan,

Ezekiel 14:19

“Ne emun daru is ibpaaǥi ku keniyan he nasyun su wey meǥerà is menge meǥinged kayi duma te menge uyaǥen dan,

Ezekiel 14:21

“Benar iyan, siak, is Nengazen he MEGBEVAYÀ migkaǥi he mekehizuhizu is menge tig-Jerusalem emun ebpeeǥiyan ku sikandan te heepat he meveǥat he menge silut he iyan is: tebek, bitil, dumezaas he menge langgam, wey menge zaru he edhimatey te menge meǥinged kayi wey te menge uyaǥen dan.

Ezekiel 33:27

Iyan a, is uuyag he Nengazen he MEGBEVAYÀ, nenangdù he siguradu he ebpemematey te tebek sikan is nengesamà he uuyag duen te nerundus he inged. Is menge nengesamà he uuyag diyà te menge vevesukà edewiyen te zumezaas he menge langgam, ne is duma kandan he ziyà te menge elesà wey menge surung ebpematey te zaru.

Ezekiel 33:29

Emun ebengkaǥen ku en wey edhimuwen he mekevulungbulung heeyan is tanà tenged te langun he utew mezaat he menge vaal te menge etew kayi, egketuenan dan he iyan a Nengazen.’ ”

Ezekiel 7:15

“Is menge etew ziyà te ǥawas te inged, ebpatey te tebek. Ne is kenà ed-awà diyà te inged ebpatey te zaru wey vitil.

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”

Zefanias 1:3

is menge etew, is menge langgam ragkes en is menge tagbis wey menge isdà. Id-awè ku is menge edtukù te menge etew wey zan mekesalà ragkes en is menge mekesesalà. Edezeetan ku is langun he etew ziyà te tanà. Iyan a, is Nengazen, is migkaǥi kayi.