Jeremias 20:5 - Manobo Western Bukidnon OT

⁵ Ibeǥey ku te menge kuntada is langun he ketiǥeyunan diyà te inged he Jerusalem: is langun he midheǥuan dan, is langun he mahalen he menge azen wey is langun he ketiǥeyunan te menge hadì te Juda. Edleglaǥen dan heini is langun diyà te Babilonia.

Jeremias 20:5 교차 참조

2 Cronica 36:10

Kebpuun te veǥu he tuig mibihag ni Hadì Nebucadnezar si Jehoyakin pehendiyà te Babilonia. Mibpenguwa zin is mahalen he menge azen diyà te valey te Nengazen. Ne is anggam ni Jehoyakin he si Zedekia, midhimu zin he hadì te Juda wey Jerusalem.

Isaias 39:6

Egkeuma is timpu he ed-uwiten diyà te Babilonia is langun he menge azen diyà te turuǥan nu, sikan is langun he netiǥum te menge kepuun nu he menge azen he kemulu pa taman en guntaan. Ne wazà egkesamà, migkaǥi is Nengazen.

Jeremias 12:12

Ebpekeuma ziyà te zemilag he menge vuvungan diyà te disirtu is ebpendezaat te tivuuk he tanà, ne wazà ebpekepelaǥuy te menge etew zutun.

Jeremias 15:13

Ibpaaǥew ku te menge kuntada niw is menge ketiǥeyunan niw wey menge azen niw tenged te langun he salà he nehimu niw kayi te tivuuk he nasyun.

Jeremias 17:3

ragkes is diyà te menge vuvungan diyà te vevesukà. Umbe ibpaaǥew ku te menge kuntada niw is menge ketiǥeyunan niw wey menge azen niw, ragkes en is menge simbahan niw ziyà te metikang he menge lugar, tenged te salà he neveelan kayi te tivuuk he nasyun.

Jeremias 3:24

Puun pa te vetan-en key pa is mekeeled-eled he menge ed-ezapen iyan en nekepehimulus te veǥas te kedhaǥù te menge kepuun dey, he iyan is menge uyaǥen dan wey menge anak dan.

Jeremias 32:24

Ne ǥuntaan midtambù te tanà is menge tig-Babilonia kayi te kilid te verengbeng te Jerusalem he egkeveyaan dan te kedseled dan kayi te inged su wey zan maaǥew heini. Ne tenged te tebek, bitil, wey zaru, egkaaǥew te menge tig-Babilonia heini is inged su iyan heeyan migkaǥi nu.

Jeremias 39:2

Ne hein ikeepat he vulan duen te ike-11 he tuig te kedhadì ni Zedekia, nevengkag en te menge tig-Babilonia sikan is berengbeng te inged.

Jeremias 39:8

Ne elin daan nehitavù is, mibinsulan te menge tig-Babilonia is menge valey ziyà te Jerusalem ragkes en is turuǥan te hadì, ne mibpemengkag dan is menge verengbeng.

Jeremias 4:20

Ebpekedtitinundug dà is menge kezeetan. Ne nevengkag is tivuuk he tanà. Minsan is menge tulda he ubpeey ku, segugunè dà neregdas.

Penhulùhulù 1:10

Mibpenguwa te kuntada is langun he ketiǥeyunan din. Neehè din he midseled diyà te valey te Nengazen is kenà menge Israilihanen–heini he menge etew, kenà edtuǥutan te Nengazen te kedseled diyà te baley zin.

Penhulùhulù 1:7

Ne ǥuntaan te edlised is Jerusalem wey egketazintazin en, netenuzan din is langun he ketiǥeyunan din dengan. Hein neulug sikandin diyà te gehem te menge kuntada zin, ne wazà midtavang kandin. Midsudì wey mid-engitan sikandin te menge kuntada zin dutun te kegkezeeti zin.

Penhulùhulù 4:12

Kunaan te menge hadì te tivuuk he kelibutan wey is menge etew zan ke kenà ebpekeseled is menge kuntada ziyà te menge pultahan te Jerusalem.

Ezekiel 22:25

Is menge pengulu zan mibpelanu te mezaat. Iring sikandan te edhiniǥer he erimaung he ebpenhimatey te menge etew. Ebpenguwa zan te menge ketiǥeyunan wey mahalen he menge azen. Mahabet is egkevalu tenged te kebpenhimatey zan.

Daniel 1:2

Mibihag din si Hadì Jehoyakim su iyan heeyan egkesuatan te Nengazen he mehitavu. Mibpenguwa zin is duma he menge azen diyà te valey te Megbevayà ne mid-uwit din diyà te Babilonia. Ne intaǥù din haazà diyà te teleǥuey te ketiǥeyunan diyà te valey he ed-ezapan te kandin he ed-ezapen.

Hoseas 13:15

Minsan edhuna kew he meuswaǥen kenà te menge kezuzumahi niw, edezeetan ku sikiyu. Ibpaaǥi ku is meinit he keramag he ebpuun diyà te disirtu he zapit te edsilaan ne egkengemezahan is menge serebseb wey menge kalut niw. Ne ed-eǥawen is mahalen he menge azen niw.