Jeremias 20:11 - Manobo Western Bukidnon OT

¹¹ Piru zuma ku sikew, Nengazen. Iring ka te mevurut he sundaru, umbe is menge edal-as kedì egkezeetan wey kenà edlampus. Egkepeel-elezan sikandan ne kenè dan edlampus, ne kenà egkelipatan is keelezan dan taman te taman.

Jeremias 20:11 교차 참조

Salmo 129:2

“Dekelà is kebpeentusa zan kenami puun pa te kebpuun te nasyun dey. Piru wazè key zan mezèdeeti.

Salmo 35:26

Is langun he iyan igkelipey zan is menge kebpekaantus ku, berakat he egkepeel-elezan wey egkeliveg sikandan. Berakat he sikan is langun he neminusan kediey, kenà medlampus is tuyù dan wey mepeel-elezi sikandan.

Salmo 40:14

Berakat he is langun he edtinguhà he edezaat kedì ne egkepeel-elezan wey egkeliveg.

Salmo 47:2

Utew telehuzen is Nengazen he iyan kes Utew Lavew he Megbevayà. Mekeǥeǥehem sikandin he hadì te tivuuk he kelibutan.

Salmo 6:10

Egkepeel-elezan wey egkengeheratan is langun he menge kuntada ku. Egkengelagewlagew sikandan he ebpekeziyù tenged te kegkeeled dan.

Salmo 65:5

He Megbevayà he menluluwas dey, edtevaken key kenikew pinaaǥi te egkein-inuwan he menge vaal he mibeelan nu te kedlibriya nu kenami. Iyan ka ebpekeveǥey te keupiyaanan te menge etew kayi te tivuuk he kelibutan.

Salmo 66:5

Hendini kew, ehaà niw is egkengein-inuwan he mibpemeelan te Megbevayà diyà te menge etew.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Isaias 45:16

Egkepeel-elezan wey edsudien is langun he mibaal te menge ledawan he ed-ezapen.

Jeremias 1:18

Pemineg ka! Guntaan he andew, edlig-enan ku sikew iring te inged he melig-en etawa putew he tukud, emun kenà ne brunsi he verengbeng. Kenè ka egkezaag te menge hadì, menge upisyal, menge memumuhat, etawa menge etew ziyà te Juda.

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 1:8

Kenè ka mahandek te menge etew su eduma a is edtavang kenikew.”

Jeremias 15:15

Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

Jeremias 15:20

Edhimuwen ku sikew he iring te melig-en he verengbeng he brunsi he kenà egkelewangan kayi he menge etew. Ebpekidtebek sikandan kenikew piru kenè ke zan egkezaag, su eduma a kenikew para te kedlavan wey kedlibri kenikew.

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Jeremias 22:22

Ibpeyapat ku is langun menge pengulu niw, ne ebihaǥen is menge etew ziyà te kezapig niw he menge nasyun. Egkepeel-elezan kew tenged te langun he kelelalung niw.

Jeremias 23:40

Ibpeseǥazan ku keniyu is keelezan he taman te taman, he kenà egkelipatan.’ ”

Jeremias 32:18

Impeehè nu is kebmahala nu te linibu he menge etew, piru midsilutan nu is menge anak tenged te salà te menge ginikanan dan. Utew ka mekeǥeǥehem he Megbevayà. Iyan ngazan nu is Nengazen he Mekeǥeǥehem.

Daniel 12:2

Ebenhawen is mahabet he nemematey. Is duma kandan ebpekaangken te untung he wazà pidtemanan, piru is duma edrewakan wey ebpeel-elezan te wazà pidtemanan.