Jeremias 2:9 - Manobo Western Bukidnon OT

⁹ Umbe, id-uman ku sikiyu ibpedsalà pehendiyè en te huziyan he menge kevuwazan niw. Iyan a is Nengazen, is migkaǥi kayi.

Jeremias 2:9 교차 참조

Salmo 50:4

Ed-umawen din is langit wey is kelibutan su ibpepirma zin te kedhukumi zin te menge etew zin.

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Isaias 3:13

Andam en is Nengazen he edhukum te menge etew zin

Isaias 43:26

Ed-isipen ta is nenlavey en; ne edhusey ki. Ipahayag nu is ketezengan nu te kepengintutuu he wazè nu salà.

Jeremias 2:29

Maan is edriklamu kew kayi te kedì? Kenè be iyan kew nekidsukulà kedì?

Jeremias 2:35

egkaǥi pa is kada sevaha keniyu te, ‘Wazà a mekesalà. Ne kenà a egkepeukan te Nengazen.’ Piru edsilutan ku sikiyu tenged te kegkaǥi niw he wazè kew mekesalà.

Hoseas 12:3

Hein diyè pa sikan is kepuun dan he si Jacob te ǥetek te iney zin, egkesuat en sikandin he ebpekidlavew te sereping din. Ne hein midekelè en sikandin, mibpekibuteng sikandin te Megbevayà

Hoseas 2:2

“Menge anak, dewaya niw is iney niw minsan kenè ku en sikandin esawa, wey kenè e zin en esawa. Dewaya niw sikandin he engkezi zin is kebpengumpadi.

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Leviticus 20:5

iyan a mismu egkuntra kandin wey te pemilya zin wey te langun he edsunud kandin te kebpemuhat diyà te ki Molec. Kenè ku sikandan ed-isipen he zuma niw.

Micas 6:2

Ne sikiyu is menge vuntud wey melig-en he menge pundasyun te kelibutan, pemineǥa niw is riklamu te Nengazen mehitenged te menge Israilihanen he menge etew zin. Iyan heini riklamu zin: