Jeremias 2:37 - Manobo Western Bukidnon OT

³⁷ Ibpaawè ku sikiyu kayi he tanà he idampè niw is menge velad niw ziyà te menge ulu niw tenged te kegkeseeng niw. Su inselikwey ku is menge nasyun he midseriǥan niw. Heini he menge nasyun kenà ebpeketavang keniyu.”

Jeremias 2:37 교차 참조

2 Samuel 11:12

Migkeǥiyan ni David sikandin te, “Pelintetaǥak ke zà dèpa kayi te senge kezukileman, ne keeselem ibpelikù ku sikew ziyà te kampu.” Ne zutun mebpelitetaǥak si Uria te haazà he andew ziyà te Jerusalem. Dutun te sunud he andew,

2 Samuel 13:19

Iyan mid-ulaula ni Tamar zutun is, mibindas din haazà is meupiya he visti wey melayat, ne mibukbukan din is ulu zin te avu. Ne midhipanew is edsinsineǥew ne mid-elangan din te velad din is dagwey zin.

2 Cronica 13:12

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”

Isaias 10:4

Wazà egkesamà keniyu, kekenà, egkengevihag kew etawa ebpemematey. Piru kenè pa ǥihapun egkeengked is pauk te Nengazen! Andam pa ǥihapun sikandin he edsilut keniyu.

Isaias 28:18

Kenà ebpulus is kebpekidsebutè niw te kemetayen, wey is kebpekid-uyun niw te iveyaan. Su emun ebpekeuma is bangkit he iring te zalem, ne egkezeetan kew.

Jeremias 14:3

Midsuǥù te menge sepian is menge suluǥuen dan te kedsekezu. Midhendiyè dan te menge vudsi he punduwà te wahig piru wazà wahig. Umbe midlikù dà sikandan he wazè meteǥui is menge teleǥuey zan. Ne tenged te kegkeseeng dan wey kegkeeled dan, midtembunan dan is menge ulu zan.

Jeremias 14:4

Nemeka is tanà su wazà uzan. Ne tenged te kegkeeled te menge perevasuk midtembunan dan is menge ulu dan.

Jeremias 17:5

Migkaǥi pa is Nengazen te, “Edrewakan ku is etew he ed-awà kayi te kedì ne edsarig dà te etew.

Jeremias 2:36

“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.

Jeremias 22:20

Sikiyu is menge etew ziyà te Juda, sineǥew kew su nezeetan en is kezapig niw he menge nasyun. Lalew kew ziyà te menge vuvungan te Lebanon. Sineǥawi niw sikandan diyà te Bashan wey Abarim.

Jeremias 22:30

Su iyan heini migkaǥi zin, “Idsurat he heini si Jehoyakin wazè din anak, su wazà minsan sevaha zuen te menge anak din he ebpekepengevilin te kedhedii ni David te Juda. Heini he etew ebpengungubpaan he kenà ebmeuswaǥen.”

Jeremias 32:5

Edumahan si Zedekia ziyà te Babilonia, ne kenà sikandin egkaawà diyà taman te egkesilutan ku sikandin. Minsan edsukul kew te menge tig-Babilonia ne kenè kew ǥihapun ebpekezaag. Iyan a, is Nengazen, is migkaǥi kayi.”

Penhulùhulù 4:17

Ebmerusirem en is ked-ehè dey te kedtaǥad te tavang te kezapig dey he menge nasyun, piru wazà sikandan medtavang kenami. Ebantey key ziyà te menge turi zey te kebpekeuma te ebpuun diyà te nasyun he kenà daan ebpekelibri kenami.

Numero 14:41

Piru migkaǥi si Moises te, “Maan is edsupaken niw en maan guntaan is insuǥù te Nengazen he medlikù kew zèpa ziyà te sibsivayan? Kenè kew ebmezeeǥen!