33 Metau kew te paaǥi para mahala kew te mibmahal niw he menge ed-ezapen. Minsan is bahi he metau he ebelegyà te zengeg din ne ebpekeistudyu pa ziyà te keniyu.
Piru mid-iniyat ni Manase is menge etew ziyà te Juda wey Jerusalem te kebaal te mezaat, ne edhuna pa he mezaat is kandan he menge vaal kenà te menge vaal te menge etew ziyà te menge nasyun he mibpezezeetan te Nengazen te menge Israilihanen.
“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.
Is menge visti niw nezekiyan te lengesa te wazà mekesalà he menge pubri. Mibpenhimetayan niw sikandan minsan wazà sikandan mezekepi he midseled diyà te valey niw te kebpenakew. Ne minsan mibeelan niw heini,
“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.
Umbe, midsilutan ku sikew wey impemeliǥet ku is tanè nu. Mibpeveyveyaan ku sikew te menge kuntada nu he menge Filistihanen, ne minsan sikandan, henduen be te neinuinu kenikew te mahawag he vetasan nu.
Mid-iringan nu is menge vetasan dan wey is utew mezaat he menge vaal zan. Ne seled te mevavè dà he timpu midlavew is kenikew he kezaat te kandan he kezaat.
Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.
