Jeremias 2:10 - Manobo Western Bukidnon OT

¹⁰ “Hendiyè kew te edsenlepan, diyà te isla te Kitim, wey hendiyè kew te edsilaan, diyà te tanà he Kedar. Purungi niw susiya ke zuen be nehitavù he iring kayi:

Jeremias 2:10 교차 참조

Genesis 25:13

Iyan heini menge ngazan te menge anak ni Ishmael he maama, puun te kinikekayan: si Nebayot, Kedar, Adbeel, Mibsam,

1 Hadì 9:9

Edtavak is duma te, ‘Tenged te mid-iniyuǥan dan is Nengazen he Megbevayè dan, he iyan mibpeǥawas te menge kepuun dan diyà te Ehipto, ne mibpenilbi wey mid-azap dan te zuma he ed-ezapen. Umbe mibpeeǥiyan sikandan te Nengazen kayi he menge vangkit.’ ”

1 Cronica 1:7

Is menge anak ni Javan ne iyan si Elisha, Tarshish, Kitim, wey si Rodanim.

1 Cronica 23:1

Hein meǥurang en si David, midhimu zin he hadì is anak din he si Solomon.

1 Cronica 23:12

Si Kohat ne zuen heepat he anak din he menge maama he iyan si Amram, Izhar, Hebron, wey si Uziel.

Salmo 120:5

Mekehizuhizu a su nekeubpà a zuma keniyu te iring kezaat te menge meǥinged diyà te Meshec wey Kedar.

Isaias 21:16

Migkaǥi is Nengazen kayi te kedì te, “Seled te senge-tuig, ne egketapus is kegkemekeǥeǥehem te Kedar.

Isaias 23:1

Heini he menge lalag ne mehitenged te Tyre: Sineǥew kew is menge ebpemen-untud te menge varku ziyà te Tarshish! Su nezeetan is pentalan niw ziyà te Tyre. Midtudtul en heini keniyu te ebpemuun diyà te Cyprus.

Isaias 23:12

Migkaǥi is Nengazen te, “Sikiyu is menge meǥinged diyà te Sidon, egkeengked en is kegkelipey niw. Nezeetan kew en. Minsan ebpelaǥuy kew pehendiyà te Cyprus, wazè niw ǥihapun egkehimelayan diyà.”

Jeremias 49:28

Iyan heini migkaǥi te Nengazen mehitenged te Kedar wey te menge ginhedian diyà te Hazor he midsurung ni Hadì Nebucadnezar he hadì te Babilonia: “Pengandam kew ne surunga niw is Kedar! Dezeeti niw heini he menge etew is diyà te edsilaan.

Ezekiel 16:16

Migamit nu is duma he menge visti nu te kebpekekempeta te menge simbahan diyà te metikang he menge lugar, he zutun ka mebpelelevag. Kenà pezem heeyan ereg he egkehitavù.

Ezekiel 27:21

“ ‘Mibpetiǥayun daan diyà te kenikew is menge tig-Arabia wey is langun he pengulu ziyà te Kedar. Is inliwè dan te menge velegyè nu menge kerehidu wey menge kambing.

Ezekiel 27:6

Ne menge kayu he ulayan he ebpuun diyà te Bashan is menge vegsey nu. Ne menge kayu he sipris he ebpuun diyà te balet he Kitim is saag nu, ne mibpekeplaan heini te dayandayan he ungal te ilipanti.

Ezekiel 5:7

Umbe siak, is Nengazen he MEGBEVAYÀ, migkaǥi te: Sikiyu is menge tig-Jerusalem, edhuna pa is keniyu he kelelalung te kelelalung te menge etew ziyà te menge nasyun he nekeliǥuy keniyu. Wazè niw zaan tumana is menge suǥù ku wey menge sulunuzen.

Daniel 11:18

Umbe, iyan dà dèpa edsurungen duen te hadì diyà te zizaya is menge meǥinged diyà te menge inged he uvey te zaǥat, ne mahabet kandan is edsekupen din. Ne ibpeengked te sevaha he pengulu is baal zuen te hadì he iyan is kebpeel-elezi zin te zuma, ne edhimuwen din he iyan egkepeel-elezan haazà is hadì.

Daniel 11:30

Su edsurungen sikandin te menge varku he ebpemuun diyà te edsenlepan. Ne tenged te kegkahandek din, ebpekepelaǥuy wey ebpekepeuulì sikandin. Ne iyan din ebpemurengetan is menge etew te Megbevayà wey is tinuuwan dan, piru meupiya mulà is kebpekid-uyun din diyà te kenà edawat te tinuuwan dan.

Numero 24:24

Ebpekeuma is menge varku he ebpuun diyà te Kitim ne edsekupen dan is menge etew ziyà te Asiria wey Eber. Piru egkezeetan daan is Kitim.”

Zatù 19:30

Ne nekekaǥi is langun he nekaahà kayi te, “Wazè pa nehitavù he iring kayi puun te kebpuun te menge Israilihanen diyà te Ehipto. Hengkey vuwa is ereg he ebeelan tew?”