Jeremias 17:14 - Manobo Western Bukidnon OT

¹⁴ He Nengazen, iyan ke zà ebpekevawì kedì wey a meulii; iyan ke zà ebpekelibri kediey. Iyan ka midalig ku.

Jeremias 17:14 교차 참조

Salmo 106:47

Libriya key, Nengazen he Megbevayè dey, ne kuwaa key puun te zuma he menge nasyun. Ne umana key tiǥuma ziyà te tanè dey, su para mekepeselamat key wey mekezalig key te kegkewaǥas nu.

Salmo 109:1

He Megbevayà, he edeliǥen ku, tevaka nu is ked-umew ku kenikew.

Salmo 119:94

Iyan ka teǥiǥaked kedì, umbe libriya a! Su ebpeninguhà a te kedtuman te menge sulunuzen he ibpesunud nu.

Salmo 12:4

Ke sikandan te, “Ebmezeeǥen key pinaaǥi te kebpahambug dey. Ebpekehimu key he egkaǥi te minsan hengkey he egkesuatan dey, ne wazà ebpekezawey kenami.”

Salmo 148:14

Midlig-enan din wey mibeǥayan din te zengeg is metinumanen he menge etew zin, he iyan is menge tig-Israel he utew zin pelanggà. Deliǥa is Nengazen!

Salmo 54:1

He Megbevayà, libriya a; pinaaǥi te ǥehem nu, petueni nu he wazè ku salà.

Salmo 6:2

Kehizuwi a wey vewii a, su utew ad meluya.

Salmo 6:3

Nesemukan utew is isip ku, Nengazen. Keenu e en be kenikew ebewii?

Salmo 6:4

Etura a kenikew, Nengazen, ne ǥeuza a. Tenged te kebmahala nu kediey, libriya a te kemetayen.

Salmo 60:5

Luwasa key pinaaǥi te ǥehem nu. Tevaka nu is menge kebpengemuyù dey su para melibri key is menge minahal nu.

Isaias 6:10

Ne migkaǥi pa sikandin te, “Ipemezesen nu is gehinawa kayi he menge etew. Himuwa nu sikandan he vengel wey lakap, su kela ke mekeehè dan wey mekezineg, ne ebpekesavut sikandan ne edlikù dan kayi te kediey, ne egkeulian sikandan.”

Jeremias 15:20

Edhimuwen ku sikew he iring te melig-en he verengbeng he brunsi he kenà egkelewangan kayi he menge etew. Ebpekidtebek sikandan kenikew piru kenè ke zan egkezaag, su eduma a kenikew para te kedlavan wey kedlibri kenikew.

Jeremias 3:23

Tutuu iyan he is ked-azap dey te zuma he menge ed-ezapen diyà te menge vuntud ne zekelà he sayep. Diyè dà te kenikew is kelibriyanan te Israel, Nengazen he Megbevayè dey.

Jeremias 30:17

Piru sikiyu ebewian ku mulà, edtembaran ku is menge palì niw. Minsan egkaǥi is duma te, sikiyu is menge tig-Jerusalem inselikwey wey mibey-anan en.”

Jeremias 31:18

Nezineg ku is sineǥawan te menge tig-Efraim. Ke sikandan te, “Nengazen, neiring key te nati he vaka he wazà melayam te eyuǥu, iyan, mibpenurù key kenikew te kebpezumazuma kenikew. Iyan ka Nengazen he Megbevayè dey, umbe ilikù key kenikew ziyà te tanè dey.

Jeremias 33:6

“Piru egkeuma is timpu he ebpurungan ku heini he inged wey is menge meǥinged kayi. Ne ebpekepengungubpaan sikandan he meuswaǥen wey melinawen.

Numero 12:13

Umbe, mibpehizuhizu si Moises te Nengazen he ke sikandin te, “He Megbevayè ku, edhangyù a ziyà te kenikew he bewii nu si Miriam.”

Deuteronomio 10:21

Deliǥa niw sikandin su iyan sikandin Megbevayè niw he mibaal te mekeǥeǥehem wey egkein-inuwan he menge vaal he neehè niw mismu.

Deuteronomio 32:39

Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.