Jeremias 16:21 - Manobo Western Bukidnon OT

²¹ Migkaǥi is Nengazen te, “Umbe ibpeehè ku kandan is gehem ku wey ebilidad ku su wey zan metueni he iyan a Nengazen.”

Jeremias 16:21 교차 참조

Salmo 83:18

Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.

Salmo 9:16

Impekilala te Nengazen ke hentei sikandin pinaaǥi te metazeng he kedhukum din, ne is lalung he menge etew, iyan nekezezaat kandan is mezaat he menge vaal zan.

Exodus 14:4

Ne edhimuwen ku he mebmezesen is gehinawa te hadì su wey kew zin mezal-as. Piru edèdeetan ku sikandin wey is menge sundaru zin. Ne pinaaǥi kayi egkeveǥayan a te zengeg, ne egketuenan te menge Ehiptohanen he iyan a kes Nengazen.” Umbe, mid-ulaula heini te menge Israilihanen.

Exodus 15:3

Beǥani is Nengazen; Nengazen is ngazan din.

Exodus 6:3

Hein mibpaahà a ki Abraham, ki Isaac, wey ki Jacob, nesavut dan he iyan a is Mekeǥeǥehem he Megbevayà. Iyan, wazà a mekepekilala kandan pinaaǥi te ngazan ku he Nengazen.

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Jeremias 33:2

Iyan heini migkaǥi te Nengazen he midlimbag wey mibpelastar te kelibutan. Iyan sikandin mibpurma kayi, ne Nengazen is ngazan din:

Ezekiel 24:24

Is nehitavù ki Ezekiel egkehimu he petug-iringan niw. Is mibeelan din iyan daan ebeelan niw. Ne emun egkehitavù en heeyan ne egketuenan niw he iyan a Nengazen he MEGBEVAYÀ.”

Ezekiel 24:27

Dutun he timpu ebpekekaǥi ke en maan ne ebpekesineǥew kew is dezuwa. Egkehimu ka he petizaan diyà te menge etew, ne egketuenan dan he iyan a Nengazen.”

Ezekiel 25:14

Ebelesan ku is Edom pinaaǥi te menge etew ku he Israilihanen. Edsilutan dan is menge tig-Edom te sungkad te utew ku kegkepauk, ne egketuenan te menge tig-Edom is paaǥi te kebales ku. Iyan a, is Nengazen he MEGBEVAYÀ, is migkaǥi kayi.”

Ezekiel 6:7

Ebpematey is menge meǥinged kayi, ne egketuenan niw he iyan a Nengazen.

Amos 5:8

Is Megbevayà iyan midlimbag te menge grupu te menge vituen he migngezanan te Penikapan wey Belatic. Iyan sikandin mibpedliwà te merusirem wey merayag, wey maandew wey mezukilem. Iyan sikandin midtiǥum te wahig te zaǥat diyà te menge gapun ne ibpeuzan din heini ziyà te tanà. Is ngazan din iyan is Nengazen.