Jeremias 16:17 - Manobo Western Bukidnon OT

¹⁷ Neehè ku is langun he menge vaal zan. Wazà nekeeles kayi te kediey. Neehè ku is menge salè dan.

Jeremias 16:17 교차 참조

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

Job 10:14

he iyan is ebentayan a kenikew ke ebpekesalà a, ne zutun kenà a kenikew ebpeseyluwen.

Job 31:4

Netuenan te Megbevayà is langun he ebeelan ku.

Salmo 139:3

Egkaahà a kenikew ke edterebahu a wey ke edhimeley a. Netuenan nu is langun he ebeelan ku.

Salmo 33:15

Iyan sikandin mibeǥey te isip diyà te langun he menge etew, ne netuenan din is langun he ebpen-ul-ulahan dan.

Salmo 51:9

Iawè nu is menge salè ku; penasa nu is langun he kelelalung ku.

Salmo 90:8

Neehè nu is menge salè dey. Minsan is meeles is kebeeli zey zuen ne nepurung nu heini maahà.

Erubasa 15:3

Egkaahà te Nengazen is minsan hendei. Egkeehè din is ed-ul-ulahan te minsan hentei, metazeng etawa lalung.

Erubasa 5:21

Su egkaahà te Nengazen is langun he menge vaal nu. Ne minsan hendei ka ebpevayà ne egkeehè ke zin.

Isaias 29:15

Mekehizuhizu kew is nenigudu para mekeeles diyà te Nengazen is menge pelanu niw. Mibeelan niw is menge vuluhaten niw ziyà te merusirem, ne ke sikiyu te, “Wazà ebpekaahà wey egketau te ebeelan tew.”

Isaias 66:18

Netuenan ku is menge ulaula zan wey isip dan. Umbe edhendiyan a ne edtiǥumen ku is menge etew ziyà te langun he menge nasyun, ne egkeehè dan is gehem ku.

Jeremias 2:22

Minsan ebpemeziǥù kew pa wey ebpurung ebpenabun egkeehè ku gihapun is keremerik te salè niw. Iyan a, is Nengazen he Megbevayà, is migkaǥi kayi.

Jeremias 23:24

Wazà etew he ebpekeeles diyà te meeles he lugar he kenè ku egkaahà. Wazè niw ve metueni he ziyà a te minsan hendei ziyà te langit wey ziyà te tanà? Iyan a, is Nengazen, is migkaǥi kayi.

Jeremias 29:23

Egkehitavù heini kandan su nekevaal zan te mezaat he vaal ziyà te Israel. Nengumpadi sikandan te esawa te zuma wey migamit dan is ngazan ku zutun te kedtarùtarù dan, ne wazà ku isuǥù kandan is kebaal kayi. Netuenan ku heini is mibeelan dan, ne igkepeehè ku is puriba kayi. Iyan a, is Nengazen, is migkaǥi kayi.”

Jeremias 32:19

Utew meupiya is menge pelanu nu wey egkein-inuwan is menge vaal nu. Egkeehè nu is langun he ebeelan te menge etew, ne ebelesan nu sikandan sumalà te vetasan dan wey menge vaal zan.

Jeremias 7:11

Egkeisip niw ve he heini is baley ku, he mibpili ku he kayi a ebeǥayi te zengeg, egkehimu he elesà te menge tulisan? Neehè ku is langun he mezaat he menge vaal niw keniyan. Iyan a, is Nengazen, is migkaǥi kayi.

Ezekiel 8:12

Ne migkaǥi is Megbevayà kayi te kedì te, “Sikew is etew, neehè nu en be ke hengkey is ebeelan he meeles te menge edumala te Israel? Diyà is kada sevaha kandan te ruǥu te ed-ezapen din, su ke sikandan te, ‘Kenè kiw egkaahà te Nengazen; inselikwey zin en is Israel.’ ”

Ezekiel 9:9

Midtavak sikandin kediey te, “Utew en subra is salà te menge etew te Israel wey Juda. Subre en is kebpehimhimetayà ne wazè en hustu he kukuman diyà te inged. Egkaǥi pa sikandan te kenà edtengteng is Nengazen kenitew, su inselikwey zin en is Israel!

Zefanias 1:12

“Dutun he timpu ebpurungan ku edsusiya is menge tig-Jerusalem ne edsilutan ku is menge etew he ebpeeyehey zà he egkaǥi ziyà te gehinawa zan, ‘Wazà ebeelan te Nengazen he meupiya etawa mezaat.’

Zacarias 4:10

Duen menge etew he edsawey su ǥeina te zeisey pa is nehimu zuen te kebpehitindeǥa te valey te Nengazen. Piru edlipey zed sikandan emun egkeehè dan en he ibpelastar en ni Zerubabel zuen te valey te Nengazen is ketepusan he pinilì he vatu. Ne migkaǥi kayi te kedì sikan is belinsuǥuen te, “Iyan ibpesavut keniyan te pitu he sulù is menge mata te Nengazen he edtengteng diyà te tivuuk he kelibutan.”