17 “Jeremias, keǥiya nu heini te menge etew, ‘Maandew wey mezukilem ne kenè en egkeengked is kebpekesineǥew ku su zekelà is palì te menge etew ku ne utew sikandan egkesekiti.
Ne iyan heini lalag ku he ebpekesuǥat diyà te kandin: ‘Ed-engitan ka wey edsudien ka te menge meǥinged diyà te Zion, he inged he Jerusalem. Ebpemengelengkeleng sikandan is ed-undaunda kenikew zutun te kebpelaǥuy nu.
iyan heini egkeǥiyen te Nengazen he ebpekesuǥat diyà te kandin: “Ed-engitan ka wey edsudien ka te menge meǥinged diyà te Zion, he inged he Jerusalem. Ebpemengelengkeleng sikandan is ed-undaunda kenikew zutun te kebpelaǥuy nu.
Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.
Umbe, iyan heini migkaǥi te Nengazen: “Duen be nehitavù diyà te zuma he menge nasyun he migkaǥi te iring kayi? Is Israel he iring te vahi he wazè pa mehileveti mibaal te utew mezaat he vaal.
“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.
Nemenlevag en is menge mata ku tenged te kedtulung ku kedsineǥew. Utew mibmesakit is gehinawa ku. Henduen be te egketevì en is kumeng ku tenged te kegkezeeti te zuma ku he menge meǥinged. Egkengevidtawan diyà te menge zalan te inged is dezekelà en wey menge peririǥè pa he menge vatà.
Sikiyu is menge meǥinged diyà te Jerusalem, hengkey is egkekaǥi ku ziyà te keniyu? Hengkey is egkehimu he ebpetug-iringan ku te kemeresayan niw? Is palì niw iring kezalem te zaǥat. Ne hentei is ebpekevawì keniyu?
Menge meǥinged te Zion, umawa niw is Nengazen. Ipetudè niw is menge luhè niw iring te wahig he edtuda te maandew wey mezukilem. Kenè kew engked he edsineǥew.
Is Israel he iring te vahi he wazè pa mekeremaǥi, nezeetan ne kenè en heini ebpekeuman ebpekeenew. Mibey-anan sikandin diyà te tanè din ne wazè en ebpeenew kandin.
