Jeremias 12:6 - Manobo Western Bukidnon OT

⁶ Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 12:6 교차 참조

Job 6:15

Piru sikiyu is mid-isip ku he menge suled ku, ne kenè kew egkeseriǥan; iring kew te zal-ug he usahay edrepey is wahig ne usahay egkemezahan.

Salmo 12:2

Langun he menge etew ne ebpemenarùtarù diyà te menge zuma zan. Egemiten dan is meungangen he menge lalag te kebpenlimbung dan.

Salmo 12:3

Deyzey pezem Nengazen ke ibpetiem nu sikandan is ebpemenlimbung pinaaǥi te meungangen he menge lalag wey sikan is menge gelbuwen.

Salmo 69:8

Su in-iring a te langyew te menge kezuzumahi ku, ne is menge suled ku wazè e zan isipa he suled dan.

Erubasa 23:8

Umbe, kenè ka penigudu kaan su egkeutè nu is nekaan nu ne egkaawè is pulus te kedeliǥa nu kandin.

Erubasa 26:25

Minsan pa ke utew meupiya he ebpemineǥen is menge lalag din, kenà ereg he edtuuwan su utew mezaat is netaǥù diyà te gehinawa zin.

Isaias 31:4

Iyan heini migkaǥi te Nengazen kayi te kedì, “Wazà ebpekeeǥen te erimaung te kedawi te edewiyen din minsan ebpengulahì pa is menge ebantey zutun te edewiyen. Ne iring daan kediey, wazà ebpekeeǥen kedì te kedipinsahi ku te Buvungan he Zion.

Jeremias 11:19

Iring a te kerehidu he wazè din hanew he ed-uwiten en bes diyà te lepeey. Wazè ku metueni he zuen bes pelanu zan he edhimetayan e zan. Ke sikandan te, “Edhimetayan tew sikandin iring te kebpiley te kayu he zuen din beǥas, su para maawà sikandin kayi te kelibutan su wey kenè en metenuzi.”

Jeremias 11:21

Egkesuatan te menge etew ziyà te Anatot he himetayi a emun kenà a ed-engked te kebpenudtul te menge lalag te Nengazen. Umbe iyan heini migkaǥi te Nengazen he Mekeǥeǥehem, “Edsilutan ku sikandan. Ebpematey te tebek is menge vetan-en he menge maama kandan, ne ebpematey te vitil is menge vatà kandan.

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 9:2

Angin pezem ke zuen ku egkeubpaan diyà te sibsivayan su ebpekeziyuan ku en is menge emurè ku te inged, su pudu sikandan menge meluiven he iring te vahi he mengungumpadi.”

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Jeremias 9:4

“Mebpekevantey kew te zuma niw, ne kenè kew sarig te kezuzumahi niw, su limbungan is kada sevaha ne ebpen-ulug te kewusa.

Jeremias 9:5

Is kada sevaha edlimbungan din is iring din he etew, ne wazà minsan sevaha he egkaǥi te tutuu. Nelayam en is dilè dan te kedtarùtarù, ne edheǥuan dan is kebaal te salà.