Jeremias 12:12 - Manobo Western Bukidnon OT

¹² Ebpekeuma ziyà te zemilag he menge vuvungan diyà te disirtu is ebpendezaat te tivuuk he tanà, ne wazà ebpekepelaǥuy te menge etew zutun.

Jeremias 12:12 교차 참조

Isaias 34:6

Is ispada te Nengazen egkelupit te lengesa wey tavà, egkeiring te egemiten te kedlapà te menge ibpemuhat he kambing wey kerehidu. Su ebpenhimetayan te Nengazen is menge etew ziyà te Bozra ne pemuhat haazà diyà te kandin. Mahabet is ebpenhimetayan din diyà te zuma pa he menge inged diyà te Edom.

Isaias 57:21

Kenà ebpekaangken te meupiya he kebpekesavuk is menge lalung.” Iyan heini egkeǥiyen te Megbevayè ku.

Jeremias 15:2

Emun ed-insà sikandan ke hendei zan ebpevayà, keǥiyi nu te iyan heini migkaǥi ku: Is midtelaan en is kebpatey zin ne ebpatey. Is duma ibanglis kandan is kebpatey pinaaǥi te tebek, ne is duma pinaaǥi te vitil. Ne is duma pa ibanglis kandan is kegkevihag.

Jeremias 16:5

Migkaǥi pa is Nengazen te, “Kenè ka medseled diyà te valey he zuen duen egkeseeng tenged te minatey. Kenè ka meseeng wey kenè ka mebpaahà te hizu ziyà te minsan hentei. Su in-awè ku en is tuvad ku, kebmahal ku, wey hizu ku kayi he menge etew.

Jeremias 25:11

Egkehimu he mekevulungbulung heini is tivuuk he tanà. Heini he nasyun wey is menge nasyun diyà te peliǥuy kayi ebpenilbi te hadì te Babilonia seled te 70 he tuig.

Jeremias 3:2

“Tengtengi niw is demilag te menge vuvungan. Duen pe be lugar zutun he wazè niw meremeriki? Midremerikan niw is tanà pinaaǥi te ked-azap niw te zuma he menge ed-ezapen wey menge kelelalung niw. Iring kew te vahi he ebelegyà te zengeg din he ebpimpinuu ziyà te kilid te zalan is edtaǥad te maama. Iring kew zaan te tulisan he ed-ayan te egkeizen din.

Jeremias 3:21

“Egkezineg is keǥurub diyà te zemilag te menge vuvungan. Ed-erang wey ebpehizuhizu is menge etew te Israel tenged te mezaat he menge vaal zan wey kedlipati zan kedì, te Nengazen he Megbevayè dan.

Jeremias 34:17

“Umbe siak, is Nengazen, migkaǥi a te geina te wazà a keniyu pezumdumahi su wazè niw veǥayi te vayàbayà is menge uripen niw he iring niw he Hebriyuhanen, ebeǥayan ku sikiyu te vayàbayà he ebpematey pinaaǥi te tebek, bitil, wey menge zaru. Tenged te egkeulaula keniyu egkelimezangan is langun he ginhedian kayi te kelibutan.

Jeremias 4:27

Iyan heini migkaǥi te Nengazen: “Egkevengkag is tivuuk he kelibutan, piru kenè ku heini ebpurungan edezeeti.

Jeremias 46:10

Piru iyan ebpekezaag is Nengazen he MEGBEVAYÀ he Mekeǥeǥehem kayi he tebek. Kayi he timpu ebpenimales sikandin te menge kuntada zin. Is ispada zin egkeiring te egkevitil he langgam he ed-emeluk kandan wey edhiǥup te lengesa zan taman te egkahantey wey egkeperahan. Egkehimu sikandan he pemuhat diyà te Nengazen he MEGBEVAYÀ he Mekeǥeǥehem diyà te tanà he zapit te zizaya, he uvey te Wahig he Eufrates.

Jeremias 47:6

Mid-insè kew ke keenu a ed-engked he edsilut keniyu pinaaǥi te ispada ku? Migkeǥiyan a keniyu te iǥumè ku en heini ne vey-ani ku en sikiyu.

Jeremias 48:2

Kenè en edeliǥen is nasyun he Moab. Diyà te Heshbon, mibpelanu is menge kuntada te kedezaat te Moab. Ke sikandan te, ‘Agpas kew su edezeetan tew is Moab.’ Is inged he Madmen edsurungen te kuntada, ne egkehimu he mekevulungbulung.

Jeremias 8:15

Ngenaan tew he mebmelinew piru wazà mebmelinew. Edtaǥad kiw te keupiyaanan piru kegkahandek is nekeuma ziyà te kenitew.

Penhulùhulù 3:17

In-awè din kayi te kedì is meupiya he kebpekesavuk, ne wazè ku en meseǥazi is keuswagan.

Ezekiel 14:17

“Ne emun daan tebek is ibpaaǥi ku keniyan he nasyun su wey meǥerà is menge meǥinged kayi duma te menge uyaǥen dan,

Ezekiel 21:28

“Ne sikew is etew, keǥiyi nu is menge Amunihanen he edsudì te Israel he siak, is Nengazen he MEGBEVAYÀ, migkeǥiyan ku sikandan te: Andam en is ispada he ibpenhimatey. Utew heini impesinew su wey mebpengindab iring te kilat.

Ezekiel 21:4

Uya, ebpenhimetayan ku sikiyu is langun te ispada ku puun te zivavà taman te zizaya.

Ezekiel 21:8

Migkaǥi pa is Nengazen kayi te kedì te,

Ezekiel 21:9

“Keǥiya nu is ibpetuenan ku te menge etew. Keǥiyi nu sikandan te siak, is Nengazen, migkaǥi a te, ‘Mibpurungan ku kemengaa is ispada ku he idhimatey ku keniyu. Utew ku heini impesinew su wey megkindab heini iring te kilat. Ne ǥuntaan edlipey kew pe be? Ed-un-undahan niw pe be is kebmansu ku keniyu?

Ezekiel 5:2

Isavuk nu is egkehuna he vahin diyà te brik he midruwingan te Jerusalem, ne vinsuli nu heini ziyà te teliwazà te inged, emun egkepasad nu en te ebpaahà is kedliǥuyi zuen te inged. Isavuk nu is senge vahin diyà te peliǥuy te inged, ne penempeza nu heini zuen te ispada nu. Is bahin he egkesamà ne isimburè nu, su ibpeyapat ku is menge etew ku pinaaǥi te ispada.

Leviticus 26:33

Ebpeeǥiyan ku sikiyu te tebek he edezaat te tanè niw ragkes en is menge inged kayi, ne ibpeyapat ku sikiyu ziyà te zuma he menge nasyun, ne egkehimu he mekevulungbulung is tanè niw.

Amos 9:4

Minsan bihaǥa pa sikandan te menge kuntada zan, ebpenhimetayan ku ǥihapun sikandan. Su utew a disididu te kedezaat kandan ne kenà kedtavang kandan.’ ”

Zefanias 2:12

Migkaǥi is Nengazen te, “Sikiyu zaan is menge tig-Etiopia, ibpehimetayan ku sikiyu pinaaǥi te tebek.

Deuteronomio 32:42

Is besut te panè ku ne egkelupit te lengesa zan, ne egkeǥetad sikandan te ispada ku. Ebpemematey sikandan ragkes en is menge teǥepalì kandan wey is egkengezekepan kandan. Ebpemematey ragkes en is menge pengulu zan.’ ”