Jeremias 11:19 - Manobo Western Bukidnon OT

¹⁹ Iring a te kerehidu he wazè din hanew he ed-uwiten en bes diyà te lepeey. Wazè ku metueni he zuen bes pelanu zan he edhimetayan e zan. Ke sikandan te, “Edhimetayan tew sikandin iring te kebpiley te kayu he zuen din beǥas, su para maawà sikandin kayi te kelibutan su wey kenè en metenuzi.”

Jeremias 11:19 교차 참조

Job 28:13

Wazà metueni te etew ke hendei heini egketuredu. Kenà heini egketuredu kayi te kelibutan.

Salmo 109:13

Berakat he mebpematey is menge kevuwazan din, su para melipati en sikandan te ebpekesunud he lapis te kevuwazan.

Salmo 112:6

Kenà duwazuwa he ebmelig-en is kebpekesavuk din te minsan keenu. Ne kenà sikandin egkelipatan te wazà pidtemanan.

Salmo 116:9

Umbe, ed-uvey a ziyà te Nengazen kayi te kebpengungubpaan ku kayi te kelibutan te menge uuyag.

Salmo 142:5

Ebpengum-umawen ku sikew, Nengazen; iyan ka ebpengalang kedì. Iyan ke zà utew egkinehenglanen ku kayi te kelibutan.

Salmo 27:13

Piru midtuu a he egkeseǥazan ku is keupiya nu mintras ebpengungubpaan e pa kayì te tanà.

Salmo 31:13

Egkezineg ku is kebpenènaasà te mezakel he menge kuntada. Ebpemiligru a minsan hendei a ebpevayà, su mibpelenuwan e zan te edhimatey.

Salmo 35:15

Iyan, hein iyan ad midlised, mid-amur-amur zan is egkengelipey. Mid-amur-amur zan is edezaat kedì. Ne wazè ku metueni ke maan. Ne edsiguduwan e zan en ed-ituka.

Salmo 52:5

Siguradu he edezeetan kew te Megbevayà te wazà pidtemanan. Edekepen kew zin ne eguyuzen kew zin pehendiyà te ǥawas te valey niw. Ne edhewien din is untung niw.

Salmo 83:4

Ke sikandan te, “Gaang-gaang kew su edèdeetan tew is nasyun he Israel su para melipati en heini taman te taman.”

Erubasa 10:7

Is metazeng he etew, egkehimu sikandin he tuvad te zuma ne layun sikandin egketenuzi, piru is lalung he etew egkelipatan en.

Erubasa 24:15

Kenè nu iringi is lalung he etew, he ebpeniid su ebpenulis diyà te valey te etew he metazeng.

Erubasa 7:22

Segugunà sikandin miduma zutun te vahi, ne iring sikandin te tudu he vaka he eduma te edtuyuk kandin pehendiyà te lugar he zutun edlepaa, wey iring te selazeng he ebpetandang en diyà te litag

Isaias 32:7

Mezaat is menge paaǥi te limbungan he etew. Ed-isip sikandin he edezeetan din is menge pubri pinaaǥi te kedtarùtarù, minsan dutun te timpu he ebuyù te hustu he kukuman is menge pubri.

Isaias 38:11

Kunaan ku ke kenè ku en egkaahà is Nengazen kayi te kelibutan te menge uuyag, etawa kenè ku en egkaahà is menge etew kayi he kelibutan.

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 26:8

Ne hein nekepasad si Jeremias te kegkaǥi kayi, midakep sikandin te menge memumuhat, menge ebpeneuven, wey zuma he menge etew, ne migkeǥiyan dan te, “Ereg ka he ebpatey!

Penhulùhulù 3:60

Netuenan nu ke sengemenu is kebelesi zan kedì wey is langun he pelanu zan he idezaat kedì.

Ezekiel 32:24

“Dutun daan is hadì te Elam. Neliǥuy is leveng din te menge leveng te menge etew zin. Pudu sikandan minatey te tebek. Nenaug sikandan diyà te lugar te menge minatey duma zuen te zuma he wazà medtuu te Megbevayà. Hein uuyag dan pa igkikinehendekà sikandan te menge etew. Piru ǥuntaan nepeel-elezan sikandan duma zuen te nemematey.

Daniel 9:26

Ne kegkepasad te 434 he tuig edhimetayan is pengulu he pinilì te Megbevayà he wazà edtavang kandin. Ne ebpekeuma is sevaha he hadì ne edezeetan te menge etew zin haazà is inged wey is baley te Nengazen. Ne ebpedayun is kezeetan wey kebpetebtebekà taman te ketepusan su imbanglis te Megbevayà is kegkeul-ulaha kayi. Henduen be te zalem is kegkeuma te ketepusan he menge andew.

Hoseas 9:8

Ne ǥeina te ebpeneuven a, ne ebpekiduma kedì is Megbevayà te kebantey keniyu te menge tig-Israel. Piru minsan hendei a ebpevayà ne egkesuatan a keniyu te edezaat; ne iring a te tagbis he egkesuatan niw te edhingutel. Egkeepesan a te menge etew ziyà te Israel, he mid-isip te Megbevayè ku he ubpeey zin.