Jeremias 11:15 - Manobo Western Bukidnon OT

¹⁵ Is menge etew he mibmahal ku mibaal te mahabet he mezaat he menge vaal. Guntaan, wazè dan ketenged te kedhendiyà te valey ku he ed-ezapan. Is menge pemuhat dan kenà ebpekeeǥen te kezeetan he ebpekeuma ziyà te kandan. Emun ebaal zan te mezaat igkelipey zan pa heini!”

Jeremias 11:15 교차 참조

Salmo 50:16

Egkaǥi mulà is Megbevayà diyà te lalung he menge etew te, “Wazè niw ketenged te kegkaǥi zuen te menge suǥù ku wey kebpekid-uyun ku.

Salmo 60:5

Luwasa key pinaaǥi te ǥehem nu. Tevaka nu is menge kebpengemuyù dey su para melibri key is menge minahal nu.

Erubasa 10:23

Is igkelipey te tulebung iyan is kebaal te mezaat, piru is igkelipey te etew he zuen din kedsavut iyan is kebpengungubpaan duma is ketau.

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Erubasa 2:14

Igkelipey zan is kebaal te mezaat, ne igkelangan dan is kelelalung he ebeelan dan.

Erubasa 21:27

Kenà igkesuat te Nengazen is ibpemuhat te menge lalung, lavew en ke mezaat is tuyù dan te ked-ul-ulaha zan dutun.

Erubasa 26:18

Is etew he ebinuangan din is duma zin, ne egkeǥiyen din he suyat din dà haazà, iring sikandin te ebuneǥen he henduen te edriyubriyub he vala te panà is ibpanè din he ebpekepatey.

Erubasa 28:9

Is minsan hentei he kenà edtuman te Kesuǥuan, egkeepesan te Megbevayà minsan is menge pengemuyù din.

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Jeremias 12:7

“Inselikwey ku is menge etew ku he iyan is nasyun he migaked ku. Imbeǥey ku is mibmahal ku he menge etew ziyà te menge kuntada zan.

Jeremias 13:27

Neehè ku is utew mezaat he menge vaal niw he iyan is ked-azap niw te zuma he menge ed-ezapen diyà te menge vuvungan wey menge vevesukà. Neiring kew te vahi he mengungumpadi he utew subra is kegkeeriǥi zin, wey te mekeeled-eled he vahi he ebelegyà te zengeg din. Mekehizuhizu kew is menge tig-Jerusalem! Keenu vuwa egkaawà is keremerik niw?

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Jeremias 2:2

“Genat ka ne keǥiya nu heini ziyà te menge tig-Jerusalem: ‘Netenuzan ku is keheǥet te gehinawa niw kayi te kedì wey is kebpelenggaa niw kedì dengan he iring te kebpelenggaa te maama te betan-en he vahi he sikan din pa meesawa. Midsunud kew kedì minsan diyà te sibsivayan he wazà duen menge pinemula.

Jeremias 23:11

Iyan heini migkaǥi te Nengazen: “Is menge memumuhat wey is menge ebpeneuven pudu kenà edsunud te Megbevayà, ne mibaal sikandan te mezaat minsan diyà te valey ku.

Jeremias 3:14

Migkaǥi pa is Nengazen, “Likù kew is kenà metinumanen he menge anak, su ǥaked ku sikiyu. Egkuwaan ku is sevaha etawa zezuwa keniyu ziyà te kada inged etawa tribu ne ed-uwiten ku ziyà te Jerusalem.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Hoseas 3:1

Migkaǥi is Nengazen kayi te kedì te, “Iuman nu ipaahà is kebmahala nu te esawa nu minsan pa te nengumpadi sikandin. Mahala nu sikandin iring te kebmahala ku te menge etew te Israel minsan pa mid-azap sikandan te zuma he menge ed-ezapen pinaaǥi te kebpemuhat te menge supas he zuen duen menge pasas.”