Jeremias 11:14 - Manobo Western Bukidnon OT

¹⁴ “Umbe sikew Jeremias, kenè ka pengemuyù para kayi he menge etew. Kenè ka pehizuhizu kedì para kandan, su kenè ku sikandan ebpemineǥen emun ed-umawen e zan dutun te timpu te kedlised dan.

Jeremias 11:14 교차 참조

Salmo 66:18

Emun wazè ku itug-an is menge salè ku ne kenà a pezem ebpemineǥen te Nengazen.

Exodus 32:10

Ne ǥuntaan bey-ani e en kenikew su nepeukan ku en sikandan ne edèdeetan ku en sikandan. Ne iyan ke zà wey is menge kevuwazan nu edhimuwen ku he ventuǥan he nasyun.”

Jeremias 11:11

Umbe siak, is Nengazen, migkaǥi a te ibpaaǥi ku ziyà te kandan is kezeetan he kenè dan egkelikayan. Ne minsan ebuyù pa sikandan te tavang kayi te kediey ne kenè ku sikandan ebpemineǥen.

Jeremias 14:11

Ne migkaǥi is Nengazen kayi te kedì te, “Kenè ka pengemuyù para te keupiyaanan kayi he menge etew.

Jeremias 14:12

Minsan mebpuasa pa sikandan, ne kenè ku ebpemineǥen is kebuyù dan te tavang kayi te kediey. Minsan mebpemuhat pa sikandan te menge pemuhat he edtutungen wey pemuhat he para gasa, ne kenè ku heini edewaten. Kekenà, ebpenhimetayan ku sikandan pinaaǥi te tebek, bitil, wey menge vangkit.”

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Jeremias 7:16

“Umbe sikew, Jeremias, kenè ka ampù para kayi he menge etew. Kenè ka pehizuhizu wey hangyù kayi te kedì para kandan, su kenè ku sikew ebpemineǥen.

Hoseas 5:6

Edangep kew kayi te kedì pinaaǥi te kebpemuhat niw te menge kerehidu, kambing, wey vaka, piru kenè niw en egkeseǥazan is kebpekiduma ku keniyu su mid-iniyuǥan ku en sikiyu.

Zacarias 7:13

Ne ǥeina te wazè dan mebpemineg te migkaǥi ku, ne kenà a zaan ebpemineg emun ed-umawen e zan.

Malakias 2:13

“Duen pa mibeelan niw: Impetiǥis niw is menge luhè niw ziyà te pemuhatà he para te Nengazen. Midsineǥew kew wey midlelendag su wazè din seǥipaa wey zewata is menge pemuhat niw.