Jeremias 10:8 - Manobo Western Bukidnon OT

⁸ Menge wazà dan pereg wey menge tulebung. Is penurù mehitenged te ed-ezapen dan he menge kayu, ne wazè din pulus.

Jeremias 10:8 교차 참조

Salmo 115:8

Is mibaal kayi te kenà tutuu he menge megbevayà wey sikan is midsarig kandan, ne egkeiring daan kandan te wazè dan pulus.

Salmo 135:18

Is menge mibaal kayi te menge ed-ezapen wey is langun he edsarig kayi ne egkehimu zaan sikandan he iring kayi te menge ed-ezapen he wazà pulus.

Isaias 41:29

Pudu zan wazà pulus, ne kenà sikandan ebpekehimu. Iring dan te keramag he edlavey zà.”

Isaias 44:18

Heini he menge etew wazà mesayud wey wazà mekesavut te ebeelan dan. Nesebpengan is menge mata zan umbe kenà sikandan ebpekaahà. Nesirahan is menge isip dan umbe kenè dan ebpekesavut.

Isaias 44:19

Wazè en kandan ebpurung ed-isip-isip wey zin meisip te, “Intavun ku is duma zuen te menge kayu, ne midhilutù a te supas, ne midtuug a te usa diyà te vaǥa kayi, ne migkaan a. Ne ǥuntaan ebeelan ku ve he utew mezaat he vutang is nesamà he kayu? Ed-ezapen ku ve is sevaha he tamped te kayu?”

Jeremias 10:14

Is menge ed-azap te zuma he menge ed-ezapen, menge paglung wey wazà menge ketau. Egkepeel-elezan dà is menge platiru tenged te menge vineelan dan he menge ed-ezapen, su kenà heini tutuu. Wazà kayi untung.

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Jeremias 3:9

Ne tenged te wazè din beliya is kebpekimaama he iyan is ked-azap te zuma neremerikan din is tanà pinaaǥi te ked-azap din te menge ed-ezapen he vatu wey kayu.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 5:4

“Kunaan ku ke menge pubri zà sikandan, iyan, menge tulebung dan bes. Su wazè dan metueni is menge paaǥi te Nengazen he Megbevayè dan he ibpetuman kandan.

Hoseas 4:12

Ebpesambag kew te menge ed-ezapen niw he kayu. Ne kunaan niw ke edtavak heini. Midtazin kew te mulin-ulin he iyan midtukù keniyu wey niw maazap is duma he menge ed-ezapen, umbe mid-iniyuǥan a keniyu, iring kew te vahi he nengumpadi.

Jonas 2:8

Sikan is menge etew he iyan edsimbahan dan is duma he menge ed-ezapen, ne mid-engkezan dan is gaǥew nu kandan.

Habakuk 2:18

“ ‘Hengkey is pulus te zuma he menge ed-ezapen? Kayu zè man heeyan etawa mital he mibeelan te etew, ne kenè man heeyan ebpekekaǥi mehitenged te tutuu. Ne maan is midtuuwan heeyan te menge etew he mibaal zuen? Kenà ganì heeyan ebpekekaǥi.

Zacarias 10:2

Benar iyan, kenà ereg he edtuuwan is duma he menge ed-ezapen wey is menge menenagnà. Edseysey zan te sayep he kehuluǥan te menge teǥeinep. Wazà pulus te menge lalag dan he idasig. Umbe neiring is menge etew te Israel te menge kerehidu he nengetazintazin. Nerasey zan su wazè dan pengulu.