Jeremias 10:19 - Manobo Western Bukidnon OT

¹⁹ Migkaǥi is menge tig-Jerusalem te, “Mekehizuhizu kiw tenged te kezeetan tew. Kenè en heini egkeulian. Piru kinahanglan he ed-entusen tew heini.

Jeremias 10:19 교차 참조

Salmo 39:9

Ebpereremek e en; kenà ad edriklamu, su iyan ka midrasey kedì.

Salmo 77:10

Ne ke siak te, “Is ibmesakit te ǥehinawa ku iyan is: kenè en bes edtavang kenami is lavew he Megbevayà.”

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.

Jeremias 14:17

“Jeremias, keǥiya nu heini te menge etew, ‘Maandew wey mezukilem ne kenè en egkeengked is kebpekesineǥew ku su zekelà is palì te menge etew ku ne utew sikandan egkesekiti.

Jeremias 14:7

Migkaǥi is menge etew te, “He Nengazen, nekesalè key ziyà te kenikew. Layun dey sikew ed-iniyuǥi, ne ereg key he edsilutan. Piru tevangi key para meveǥayi ka te zengeg.

Jeremias 17:13

Iyan ka Nengazen, egkeperateng te menge Israilihanen. Egkepeel-elezan is langun he mid-awà diyà te kenikew. Idleveng sikandan diyà te zizalem te tanà, su inselikwey ke zan, is serebseb he ebpekeveǥey te untung.

Jeremias 4:19

Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Jeremias 4:31

Nezineg ku is erang wey zag-es, he iring te erang wey zag-es te vahi he ed-anak te penganey. Erang heini te menge meǥinged diyà te Jerusalem he kenè en ebpekeǥehinawa is ebpenepayà he egkaǥi te, “Mekehizuhizu key; henduen be egkevidtawan key en. Su heeyan en is menge kuntada zey he edhimatey kenami.”

Jeremias 8:21

Migkaǥi si Jeremias te, “Utew mesakit is gehinawa ku. Ingkesekiti ku is utew kegkerasey te menge emurè ku te inged. Midlalew a wey utew a neseeng.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Penhulùhulù 1:2

Neiring sikandin te vahi he egkeiinek te tivuuk he kezukileman; is menge luhè din ebpenudà diyà te enaping din. Wazà minsan sevaha zuen te menge mibmahal zin he midlangan kandin. Pudu midluib kandin is menge emiǥu zin, ne nehimu sikandan he menge kuntada zin.

Penhulùhulù 3:48

Midtudà is menge luhè ku tenged te kegkezeeti te zuma ku he menge meǥinged.

Micas 7:9

Geina te nekesalè kiw ziyà te Nengazen, dait he ed-entusen tew is silut din kenitew taman te edlevanan kiw zin wey ebeǥayan te hustu he kukuman. Egkeehè tew is kedlibriya zin kenitew pinaaǥi te ked-uwit din te kerayag kayi te kenitew.