Jeremias 1:5 - Manobo Western Bukidnon OT

⁵ “Hein wazè ku pa sikew purmaha ziyà te ǥetek te iney nu, mibpilì ku en sikew. Te wazè ke pa meetew, insivey ku en sikew. Mibpilì ku sikew he ebpeneuven ku wey ka mehimu he perekaǥi ziyà te menge nasyun.”

Jeremias 1:5 교차 참조

Salmo 139:15

Neehè nu is menge tulan ku hein mibpurma a kenikew ziyà te seled te ǥetek te iney ku.

Salmo 139:16

Naahà ad kenikew minsan hein wazè e pa mepurma. Is kahabet te menge andew te kegkeuyag-uyag ku ne nekesurat en diyà te libru nu, minsan wazè pa mebpuun is untung ku.

Exodus 33:12

Migkaǥi si Moises diyà te Nengazen te, “Layun a kenikew egkeǥiyi he ebpenguluwan ku heini is menge etew te kedhendiyà te tanà he ibeǥey nu kandan, iyan, wazà a kenikew keǥiyi ke hentei is ibpezuma nu kedì. Migkaǥi nu zaan he nepurung a kenikew mekilala wey igkesuat a kenikew.

Exodus 33:17

Ne migkaǥi is Nengazen diyà te ki Moises te, “Ebeelan ku is hangyù nu kediey, su nepurung ku sikew mekilala, wey nekepenunuat ka kediey.”

Isaias 44:2

Iyan a Nengazen, iyan a midlimbag kenikew wey midtavang kenikew. Kenè ka mahandek, is suluǥuen ku wey pinilì ku he menge etew.

Isaias 49:1

Pemineg kew kediey, sikiyu is diyà te meziyù he menge lugar. Hein wazà e pa ianak mid-umew e en te Nengazen te kedsilbi kandin.

Isaias 49:5

Puun pa ziyà te ǥetek te iney ku in-andam ad te Nengazen he egkehimu he suluǥuen din su para metiǥum wey ikelikù is menge Israilihanen diyà te kandin. Mibeǥayan a te Nengazen te zengeg, ne mibeǥayan a te zesen kayi te Megbevayè ku.

Jeremias 1:10

Guntaan he andew mibpilì ku sikew he perekaǥi ziyà te menge nasyun wey menge ginhedian. Keǥiyi nu is menge etew ziyà te menge nasyun wey menge ginhedian he is duma kandan egkengepiley wey egkengezeetan. Ne is duma kandan, ed-enew ne ed-uman edhitindeg.”

Jeremias 1:4

Migkaǥi is Nengazen kayi te kedì te,

Jeremias 20:15

Midrewakan ku is etew he migkaǥi ziyà te amey ku te, “Maama is anak nu!” he utew ingkelipey te amey ku.

Jeremias 25:13

Ibpeǥezaman ku ziyà te nasyun dan is langun he migkaǥi ku he ebpekesuǥat kandan wey is langun he nekaǥi ni Jeremias he ebpekesuǥat te zuma he menge nasyun he ingkesurat kayi te libru.

Jeremias 36:2

“Kuwa ka te linulun he suratà ne isurat nu is langun he migkaǥi ku kenikew vahin te Israel, Juda, wey langun he menge nasyun. Isurat nu is langun he migkaǥi ku puun te puunà te kebpekidlalag ku kenikew (hein si Josia pa is hadì diyà te Juda) taman en guntaan.

Jeremias 50:34

Piru gehemanen a, is Menluluwas dan; Nengazen he Mekeǥeǥehem is ngazan ku. Edlevanan ku sikandan wey meveǥayi te kelinew wey kebpekehimeley is kelibutan, piru egurigawen ku mulà is menge meǥinged diyà te Babilonia.