Jeremias 1:13 - Manobo Western Bukidnon OT

¹³ Mid-uman med-insà is Nengazen kayi te kedì te, “Hengkey pa is neehè nu?” Midtavak a te, “Sevaha he ziniyun he zuen din wahig he edìdì, ne henduen be te egkeulaan heini puun te zizaya.”

Jeremias 1:13 교차 참조

Genesis 41:32

Kezezuwa ipeteǥeinep te Megbevayà kenikew, Mahal he Hadì, su ibpesavut din he siguradu he ed-ul-ulahan din haazà wey meǥaan en utew is kegkeul-ulaha zuen.

Isaias 55:11

Ne iring daan keniyan is menge lalag he egkeǥiyen ku, kenà egkehimu he wazà kayi pulus, kekenà, edtumanen kayi is pelanu ku; edlampus heini para meulaula is tuyù te kebpetudtula ku kayi.

Jeremias 24:3

Ne zutun mid-insà is Nengazen kayi te kedì te, “Jeremias, hengkey is neehè nu?” Midtavak a te, “Menge higus. Is duma utew memeupiya, ne is duma utew memezaat ne kenà egkekaan.”

Ezekiel 11:3

Ke sikandan te, ‘Meupiya heini he timpu te kebpehitindeg te menge valey. Wazà egkevut kenitew. Is inged tew iring te kuzen ne iring kiw te usa ziyà te seled din he kenà egkevinsulan.’

Ezekiel 11:7

Umbe siak, is Nengazen he MEGBEVAYÀ, egkeǥiyan ku sikiyu te: Tutuu he heini is inged iring te kuzen, piru sikan is nemematey he impeyapat niw kayi te inged ne iyan usa. Ne edsegseǥen ku sikiyu puun kayi te inged.

Ezekiel 12:28

Umbe, keǥiya nu heini ziyà te kandan: ‘Iyan a, is Nengazen he MEGBEVAYÀ, migkaǥi a te hapit en egketuman is migkaǥi ku. Uya, egkeulaula en heini.’ ”

Amos 8:2

Mid-insà is Nengazen kayi te kedì te, “Amos, hengkey is neehè nu?” Ne midtavak a te, “Sevaha he revan he zuen din taǥù he nelutuan he menge prutas.” Ne migkaǥi is Nengazen kayi te kedì te, “Neume en is ketepusan te menge etew ku he menge tig-Israel. Kenè ku en sikandan egkehizuwan.

Zacarias 4:2

Mid-insà sikandin kayi te kedì te, “Hengkey is neehè nu?” Midtavak a te, “Neehè ku is sevaha he vulawan he selevukà te sulù. Diyà te zivavew kayi zuen yehung he itisà te lana. Ne ziyà te peliǥuy zutun te yehung duen dutun pitu he sulù ne is kada sevaha zutun duen din pitu he tuvu he veyeey te lana.