Biblia Todo Logo
온라인 성경

- 광고 -




Isaias 9:6 - Manobo Western Bukidnon OT

6 Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

장을 참조하십시오 복사




Isaias 9:6
82 교차 참조  

Iyan sikandin ebangun te valey para te kebeǥey kedì te zengeg, wey edsigureduwen ku he is menge kevuwazan din ebpekahadì taman te taman.


Ebpedayun te wazà pidtemanan is kenikew he ginhedian, ne is menge kevuwazan nu taman te taman is kedhadì dan.’ ”


Ereg he edeliǥen is Nengazen he Megbevayè nu, nelipey kenikew wey midhimu kenikew he hadì te Israel. Tenged te wazà pidtemanan he ǥaǥew te Nengazen te menge Israilihanen, midhimu ke zin he hadì su para egkezumahan te hustu he kukuman wey ketazeng is kegemita nu te ǥehem nu.”


Iyan sikandin wey is menge kevuwazan din ebpekepenavak minsan keenu te kemetayen keniyan he menge etew. Piru si David wey is menge kevuwazan din wey is ginhedian din ebeǥayan te meupiya he kebpekesavuk minsan keenu.”


Piru siak, edtuvazan a te Nengazen, ne is ginhedian te amey ku he si David ebpedayunen din is kedlig-eni zin kayi minsan keenu.”


“Sikew is Megbevayè dey, mekeǥeǥehem ka wey utew egkein-inuwi. Edtumanen nu is paaǥi nu te kebpekid-uyun wey ibpeehè nu is gaǥew nu. Ne ǥuntaan, kenè nu isipa he kenè key kenikew edtevangan kayi te kemereǥenan dey. Nekebmereǥen key is langun he menge etew nu, ragkes is menge hadì dey, is menge pengulu zey, is menge memumuhat dey, is menge ebpeneuven kayi te kenami, wey is menge kepuun dey, nekebmereǥen puun pa te timpu te kedlisliseza kenami te hadì te Asiria ne taman en guntaan.


Inseluniket nu is ispada nu, mevurut he hadì; mekeǥeǥehem ka wey meupiya is dengeg nu.


Is ginhedian nu, Megbevayà, ebpedayun te wazà pidtemanan, ne metazeng is kedumelaha nu kayi.


Igkesuat nu is metazeng, iyan, igkeepes nu mulà is mezaat. Umbe, mibpilì ka te Megbevayà he Megbevayè nu, ne imbeǥey zin kenikew is kelipey he lavew pa te kelipey te menge zuma nu.


Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.


Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”


Berakat he ebpekeveǥey te keuswagan te menge etew nu is menge vuntud wey menge vuvungan tenged te ketazeng te hadì.


Dutun te timpu te kedhadì din, berakat he kenà egkaawà is ketazeng ne kenà egkaawà is kegkemeuswaǥen te ked-ubpà te menge etew taman te taman.


Ebpekeduma is gaǥew wey kebmetinumanen, ne ebpekeduma zaan is ketazeng wey is kelinew.


Nengazen, is menge ilengiten he linimbag edalig te egkein-inuwan he menge vaal nu wey te kebmetinumanen nu.


Impelastar e zin en puun pa te puunà. Daan e en dutun te wazè pa is kelibutan: is daǥat, is menge serebseb, is menge vuntud, is menge vuvungan, is menge vevesukà, wey minsan pa is menge eliyavuk.


Layun diyà te kandin is ketazeng wey kegkeseriǥi, iring te idseluub din heini.


Ne zutun edhadì en is sevaha he kevuwazan ni David he metinumanen wey beliǥeǥawen. Emun edhukum sikandin ibpeletew zin is hustu he kukuman. Wey abtik sikandin he ebaal te metazeng.


“Nengazen, beǥayi key te meupiya he kebpkesavuk. Su is langun he nehimu zey nehimu zey tenged te tavang nu.


“Ebeǥayan nu, Nengazen te kelinew he wazè din kurang is etew he iyan ka zekelà diyà te isip din, su midsarig sikandin kenikew.


Heini he ketau ebpuun diyà te Nengazen he Mekeǥeǥehem. Utew meupiya is sambag din wey utew egkein-inuwi is ketau zin.


Duen keuzemà hadì he metazeng, ne is menge upisyal zin, wazà egkevintahaan diyà te kedumala zan.


Su zuen egkengesamà he uuyag he ebpekepeyapat he ebpuun te Jerusalem, diyà te Buvungan he Zion. Ne kenà duwazuwa is kedtumana kayi te Nengazen he Mekeǥeǥehem.


Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.


Egkesuatan te Nengazen he med-uswag is suluǥuen din he iring te pinemula he midtuvù he nendalid diyà te memaza he tanà. Wazè din keguwapu etawa tindeg he ibpekekabig din kenita.


Iyan tutuu is, mibpelian sikandin tenged te menge kedrapas tew; nevuǥel sikandin tenged te kelelalung tew. Is silut he mid-antus din iyan nekeveǥey kenitew te meupiya he kebpekesavuk; ne pinaaǥi te menge palì din nengeulian kiw.


Su iyan ka Amey zey minsan kenè key egkilelaan te menge kepuun dey he si Abraham wey si Jacob he menge kevuwazan dan. Uya, iyan ka Nengazen, amey zey, iyan ka Menluluwas dey puun pa zengan.


Su migkaǥi is Nengazen te, “Ibpeuswag ku is Jerusalem; iring te edeleman te menge ketiǥeyunan, su ed-uwiten diyà te kandin is menge ketiǥeyunan te menge nasyun. Ed-etimanen kew te Jerusalem iring te vatà he edsepipiyen, ibpesusu, wey edsekepuwen te iney zin.


Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’


Heini e zed wey is menge anak ku he imbeǥey te Nengazen kedì. Menge tuus key para te Israel he ebpuun diyà te Nengazen he Mekeǥeǥehem. Ed-ubpà sikandin diyà te Buvungan he Zion.


Keenu kew pe bes edlikù kayi te kedì, is menge anak ku he nengetazin. Ebaal a te veǥu kayi te kelibutan–iring te is bahi iyan en maan pengalang te maama.”


“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.


Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.


Egkehimu he edhuna pa he mekempet heini is beǥu he valey te Nengazen kenà duen te nehuna. Ne ibeǥey ku is meupiya he kebpekesavuk kayi he lugar. Iyan a, is Nengazen he Mekeǥeǥehem, is migkaǥi kayi.”


Su is Nengazen he Megbevayè niw, Megbevayà te menge megbevayà wey Nengazen te menge nengazen. Mekeǥeǥehem wey egkein-inuwan sikandin he Megbevayà. Wazè din ibpelavi ne kenà sikandin egkeuwit te suhul.


Midtavak haazà is belinsuǥuen te Nengazen te, “Maan is egkesuat ka he metueni nu is ngazan ku? He mereǥen man heini he edsevuten.”


우리를 팔로우하세요:

광고


광고