Isaias 8:8 - Manobo Western Bukidnon OT

⁸ Edeǥurus sikandan diyà te Juda he iring te zalem he teǥelieg is kezalem ne edlepayan dan is tivuuk he tanà.” Piru zuma zey ǥihapun is Megbevayà!

Isaias 8:8 교차 참조

2 Hadì 17:3

Midsurung ni Hadì Shalmaneser he hadì te Asiria si Hoshea. Nehimu sikandin he sakup ni Shalmaneser ne impevayad sikandin te vuhis.

2 Cronica 12:4

Ne midsakup ni Shishak is binerengbeng he menge inged te Juda ne midlaus dan pa medsurung pehendiyà te Jerusalem.

Isaias 10:6

Edsuǥuen ku is menge tig-Asiria te kedsurung te egkeepesan ku he nasyun. Heini is nasyun, kenà sikandan edsunud kedì te Megbevayè dan. Heini sikandan, edezeetan ku iring te vasak diyà te kersada he edtekutakan, wey mepenguwa te menge tig-Asiria is langun he menge azen dan.”

Isaias 30:28

Is gehinawa zin iring te zalem he teǥelieg. Edezeetan din is menge nasyun he henduen be te ebpesiriyen din iring te trigu. Iring sikandan te uyaǥen he mibusalan wey miguyud.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Isaias 7:17

Diyà te huziyan he timpu, sikew wey is menge etew nu, ragkes en is lavew he pemilya nu, ibpesurung te Nengazen te hadì te Asiria. Ne egkeseǥazan niw is kelised he wazè niw pa keenu meseǥazi puun te kebpekidsivayà te Israel te Juda.

Isaias 8:10

Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Jeremias 47:2

“Duen menge etew ziyà te nasyun diyà te zizaya he edsurung he egkeiring te zalem he edlapey ziyà te tivuuk he tanà. Edezeetan kayi he menge etew is langun he menge inged wey is menge meǥinged dutun. Ebpekekulahì is menge etew tenged te kegkahandek dan wey ebpemekeerang sikandan te kenà alang-alang.

Jeremias 48:40

Mibpedayun pa megkaǥi is Nengazen te, “Ehàa niw man! Is kuntada te menge tig-Moab neiring te kulaǥu he midlayang he edawi kandan.

Jeremias 51:42

Egkelapew te zezekelà wey edeǥurus he menge vaǥel is Babilonia.

Ezekiel 17:3

ne keǥiyi nu sikandan he iyan a, is Nengazen he MEGBEVAYÀ migkaǥi kayi: duen dekelà he kulaǥu he midlayang pehendiyà te Lebanon. Meluag is menge pakpak din wey merapung is bulvul zin he nekedseselekawà is barek. Ne midlatun heini ziyà te purù te kayu he sidru,

Ezekiel 26:19

Migkaǥi pa is Nengazen he MEGBEVAYÀ te, “He Tyre, egkehimu ka he mekevulungbulung he inged, egkehimu ka he inged he wazà duen ed-ubpà. Edsepalen ku sikew te mezalem he wahig.

Daniel 11:10

“Edtiǥum te mahabet he menge sundaru is menge anak duen te hadì diyà te zizaya su wey maandam is kebpekidtebek dan. Ne edsurung heini sikandan he henduen be te zalem he kenà egkepeneng. Edsurungen dan minsan is binerengbeng he inged te hadì diyà te zivavà.

Micas 1:9

Su is kegkezeeti te Samaria ne iring te palì he kenè en egkeulian, ne egkeulaula zaan heini ziyà te Juda. Ne ebpekeuma heini ziyà te Jerusalem kes kepital he inged te menge zuma ku he menge meǥinged.

Micas 5:5

Ebeǥayan din te meupiya he kebpekesavuk is menge etew zin. Emun edsurung is menge tig-Asiria kayi te tanè tew wey edselezan dan is melig-en he menge vahin te inged tew, ebpekidtebek kiw kandan he ebpurungan ebpenguluwi te menge pengulu tew.