Isaias 8:16 - Manobo Western Bukidnon OT

¹⁶ Sikiyu is menge edsunud kedì, kenè niw lipati is menge penurù ku.

Isaias 8:16 교차 참조

2 Hadì 11:12

Ne zutun impeǥawas ni Jehoyada si Joash he anak te hadì ne migkurunahan. Ne mibeǥayan din sikandin te kupya te menge sulunuzen mehitenged te kedumalà te hadì, ne impezayag din is kegkehimuwa ki Joash he hadì. Midlenahan din sikandin he ebpekilala he hadì en sikandin, ne mibpelakpak is menge etew wey nemengulahì te, “Mebmeluǥayad is untung te hadì!”

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Isaias 50:4

Mibpenurù a te Nengazen he MEGBEVAYÀ ke hengkey is egkeǥiyen ku para mezasig ku is ebpenluyahan. Ebpukawen e zin kada meselem su wey a mekepemineg te ibpenurù din kedì.

Isaias 54:13

Iyan a mismu ebpenurù te menge etew nu, ne utew sikandan ed-uswag.

Isaias 8:20

Kinahanglan he is kesuǥuan wey penurù te Nengazen ne iyan niw ebpemineǥen. Emun duen menge etew he egkaǥi te supak te menge penurù te Nengazen, heeyan he menge etew wazà meteyawi is isip dan.

Daniel 12:4

Piru sikew, Daniel, isira nu zà dèpa heini is libru, wey kenè nu en dèpa tudtula is menge lalag kayi taman te egkeuma is ketepusan. Dutun te kenè pa heini ibpahayag ne mezakel is egkesuat he mesavut dan is egkengehitavù.”

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Deuteronomio 4:45

menge penurù, wey menge sulunuzen dutun te kedligewang dan puun te Ehipto