Isaias 8:10 - Manobo Western Bukidnon OT

¹⁰ Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Isaias 8:10 교차 참조

Genesis 21:22

Ne zutun he timpu, midhendiyà si Abimelec te ki Abraham wey is pengulu te menge sundaru zin he si Ficol. Migkeǥiyan ni Abimelec si Abraham te, “Netuenan dey iyan he edtevangan ka te Megbevayà te langun he ed-ul-ulahan nu.

2 Samuel 15:31

Duen mibpenudtul ki David he si Ahitofel ne sevaha te nekidsevaha ki Absalom. Ne zutun mid-ampù si David, “Nengazen, himuwa nu he wazà pulus te sambag ni Ahitofel.”

2 Samuel 17:23

Hein netuenan ni Ahitofel he wazà pezumdumahi is menge sambag din, ne mid-untuzan din is asnu zin ne mid-ulì diyà te inged din. Nemilinbilin sikandin te pemilya zin ne midhiket sikandin pinaaǥi te kebitey. Diyè ded ileveng sikandin te midlevengan te amey zin.

2 Samuel 17:4

Heini he paaǥi meupiya para ki Absalom wey te langun he menge ebpemendumala te Israel.

2 Hadì 6:12

Migkaǥi is sevaha zuen te menge upisyal zin te, “Wazà minsan sevaha kenami, Mahal he Hadì. Si Elisha is tig-Israel he ebpeneuven, iyan migkaǥi ziyà te hadì te Israel te langun he egkeǥiyen nu minsan is diyè nu keǥiya te ruǥu nu.”

2 Cronica 13:12

Is Megbevayà ne eduma kenami; iyan sikandin pengulu zey. Ne emun edsurung key keniyu ne iyan ebpengulu kenami is menge memumuhat he ebpezaǥing te menge trumpita. Sikiyu is menge keet-etawan te Israel, kenè niw sukuli is Nengazen, he Megbevayà te menge kepuun niw, su kenè kew ebpekezaag.”

Job 5:12

Edezeetan din is menge pelanu te limbungan he menge etew, su para kenà sikandan mebmezeeǥen.

Salmo 21:12

Su ebpelaǥuy sikandan emun egkeehè dan he andam ke en te kedsilut kandan, he iring te ziyè nu en ibpesinaru te kandan is edhingaten nu he panà.

Salmo 46:1

Is Megbevayà iyan ebpengalang kenitew wey iyan ebeǥey kenitew te zesen. Ne layun sikandin andam he edtavang emun timpu te kelised.

Salmo 46:11

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 46:7

Duma tew is Nengazen he Mekeǥeǥehem. Iyan sikandin Megbevayà ni Jacob, ne iyan sikandin eputè tew.

Salmo 46:8

Hengkayi kew, ahaa niw is menge bineelan te Nengazen, is egkengein-inuwan he menge vaal zin kayi te kelibutan.

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Isaias 14:27

Wazà ebpekehimu he edhalin te pelanu te Nengazen he Mekeǥeǥehem. Wazà ebpekeeǥen kandin emun edsilut.

Isaias 28:18

Kenà ebpulus is kebpekidsebutè niw te kemetayen, wey is kebpekid-uyun niw te iveyaan. Su emun ebpekeuma is bangkit he iring te zalem, ne egkezeetan kew.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 43:5

Kenè ka mahandek su zuma a kenikew. Edtiǥumen ku is menge kevuwazan nu puun te edsilaan wey edsenlepan.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Isaias 8:8

Edeǥurus sikandan diyà te Juda he iring te zalem he teǥelieg is kezalem ne edlepayan dan is tivuuk he tanà.” Piru zuma zey ǥihapun is Megbevayà!

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Jeremias 42:11

Kenè kew en egkahandek te hadì te Babilonia su zuma a keniyu ne edlibriyen ku sikiyu emun edezeetan kew zin.

Jeremias 46:28

Umbe, kenè kew en egkahandek, is menge kevuwazan te suluǥuen ku he si Jacob, su zuma a keniyu. Ebpurungan ku edezeeti is langun he menge nasyun he zutun ku sikiyu ipeyapat, piru kenè ku mulà sikiyu ebpurungan edezeeti. Ebmensuwen ku sikiyu, sumalà is ereg keniyu. Kenà egkehimu he kenè ku sikiyu edsilutan. Iyan a, is Nengazen, is migkaǥi kayi.”

Penhulùhulù 3:37

Wazà minsan hengkey he egkehitavù he wazà ituǥut te Nengazen.

Joel 3:9

Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

Haggai 1:13

Ne zutun, si Haggai, is perekaǥi te Nengazen, migkeǥiyan din is menge Israilihanen te, “Migkaǥi is Nengazen he zuma niw kun sikandin.”

Numero 14:9

Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”

Deuteronomio 20:1

“Emun edhipanew kew is ebpekidtebek te menge kuntada niw, ne egkeehè niw is menge kudè dan, menge kerwahi wey menge sundaru zan he edhuna he mahabet te keniyu, kenè niw sikandan ikahandek, su zuma niw is Nengazen he Megbevayè niw he mibpeǥawas keniyu ziyà te Ehipto.

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.