Isaias 7:11 - Manobo Western Bukidnon OT

¹¹ “Buyù ka te tuus kayi te kediey, te Nengazen he Megbevayè nu he ebpenistiǥus he edtumanen ku is impenaad ku. Ibeǥey ku minsan pa ke haazà is tuus diyà ebpuun te zizalem, he ziyà te iveyaan, etawa ziyà te zivavew, diyà te langit.”

Isaias 7:11 교차 참조

1 Hadì 13:3

Dutun he andew, mibeǥey haazà is suluǥuen te Megbevayà te tuus he egketuman heini is migkaǥi te Nengazen. Ke sikandin te, “Egketempag heini he pemuhatà ne egkeulaan is avu kayi he pemuhatà.”

2 Hadì 19:29

Ne migkeǥiyan ni Isaias si Hezekia te: “Iyan heini tuus he edipinsahan te Nengazen is Jerusalem te kedezaat te menge tig-Asiria: Guntaan he tuig is egkekaan niw, iyan is menge veǥas te pinemula he nenuvù dà, ne ed-ilis he tuig iyan is beǥas te menge pinemula he nenuvù diyà te midtuvuan duen te nehuna. Piru te iketelu he tuig, ebpekepemula kew en te trigu ne ebpekeraǥun kew en. Ebpekepemula kew en daan te paras ne ebpekekaan kew te veǥas kayi.

Exodus 7:9

“Emun egkeǥiyan kew te hadì te Ehipto te peehè kew te singyal, ne keǥiyi nu Moises si Aaron te, ‘Itimbag nu is tuked nu ziyà te etuvangan te hadì ne ebaluy haazà he uled.’ ”

Isaias 37:30

Ne migkeǥiyan ni Isaias si Hezekia te: Iyan heini tuus he edipinsahan te Nengazen is Jerusalem te kedezaat te menge tig-Asiria: Guntaan he tuig is egkekaan niw, iyan is menge veǥas te pinemula he nenuvù dà, ne ed-ilis he tuig iyan is beǥas te menge pinemula he nenuvù diyà te midtuvuan duen te nehuna. Piru te iketelu he tuig, ebpekepemula kew en te trigu ne ebpekeraǥun kew en. Ebpekepemula kew en daan te paras ne ebpekekaan kew te veǥas kayi.

Isaias 38:22

Ne mid-insà si Hezekia te, “Hengkey is tuus he tutuu he egkeulian a ne ebpekehendiyà a te valey te Nengazen?”

Isaias 55:13

Edtuvù is menge kayu he sipris wey mirtu ziyà te edtuvuan guntaan te zuǥiyen he zezeisey he kayu. Tenged te kegkeul-ulaha kayi egkeveǥayan a te zengeg; egkehimu heini he tuus te kegkemekeǥeǥehem ku te wazà pidtemanan.”

Isaias 7:10

Dutun mid-uman megkaǥi is Nengazen diyà te ki Ahaz te,

Isaias 7:12

Midtavak si Ahaz te, “Kenà a ebuyù te tuus. Kenè ku egezaman is Nengazen.”

Jeremias 19:1

Migkaǥi is Nengazen kayi te kedì te, “Pemasa ka te umuy ziyà te mendiziyun. Ne zumaha nu is menge edumala te menge etew wey menge edumala te menge memumuhat,

Jeremias 19:10

Ne migkaǥi is Nengazen kayi te kedì te, “Rupeta nu is umuy ziyà te etuvangan te menge etew he eduma kenikew.

Jeremias 44:29

Iyan heini tuus he edsilutan ku sikiyu kayi he lugar, su wey egketuenan niw he egketuman en is kezeetan he migkaǥi ku he idezaat keniyu pinaaǥi kayi: