Isaias 6:8 - Manobo Western Bukidnon OT

⁸ Ne nezineg ku is laǥeng te Nengazen he migkaǥi te “Hentei vuwa is edsuǥuen ku? Hentei vuwa is edhipanew para kenami?” Midtavak a te, “Heini e zed! Iyan a suǥua.”

Isaias 6:8 교차 참조

Genesis 1:26

Ne zutun migkaǥi is Megbevayà te, “Edhimuwen tew is menusiyà he iring kenitew su wey zan meveyveyai is menge isdà diyà te zaǥat wey is menge tagbis diyà te hewhewanan wey is menge langgam he ayam wey leew wey is menge keranapranap he ebpenanap wey edula ziyà te tanà. Ebeyveyaan dan is tivuuk he tanà.”

Genesis 11:7

Kuwa kew en, edhendiyè kiw, ne ibpedseselekawè tew is kineǥiyan dan su wey zuen mezakel he menge kineǥiyan su wey kenè dan mekedsesevutà.”

Genesis 22:1

Midlavey is nepipira he tuig ne neuma is timpu he migezaman si Abraham te Megbevayà. Migkeǥiyan sikandin te Megbevayà te, “Abraham!” Ne midtavak si Abraham te, “Hengkey!”

Genesis 22:11

Mid-umew si Abraham te velinsuǥuen te Nengazen he ebpuun te langit te, “Abraham! Abraham!” Ne midtavak sikandin te, “Hengkey.”

Genesis 3:22

Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.”

2 Samuel 1:7

Kedlingì din ne neehè e zin ne mid-umew e zin. Midtavak a te, ‘Hengkey is igkeuǥup ku kenikew?’

1 Hadì 22:20

Ne migkaǥi is Nengazen te, ‘Hentei is ed-akal ki Ahab su para medsurung sikandin diyà te Ramot Gilead su para mepatey sikandin?’ Ne nekedseselekawà is tavak dutun te ilengiten he menge linimbag.

Isaias 65:1

Migkaǥi is Nengazen te, “Mibpekilala a te menge etew he wazà med-insa mehitenged kediey. Ebpeturedu a te wazà mebpen-ahà kediey. Impezayag ku is keugelingen ku ziyà te nasyun he wazà med-umew kedì is menge meǥinged duen.

Ezekiel 1:24

Ne emun edlayang haazà is uuyag he menge linimbag, egkezineg ku is keǥurub te menge pakpak dan, he henduen be te selenuhug, wey zeǥurus te meseleg he wahig, wey iring te laǥeng te Mekeǥeǥehem he Megbevayà, wey henduen be te keǥurub te mahabet he menge sundaru. Ne emun ebpundu sikandan kenè dan ebekaren is menge pakpak dan.

Ezekiel 10:5

Is rekubkub te menge pakpak duen te menge kirubin egkezineg minsan diyà te ǥawas duen te lama, iring heini te laǥeng te Mekeǥeǥehem he Megbevayà emun egkaǥi.

Ezekiel 9:1

Ne nezineg ku is Megbevayà he nemensag te, “Egpas kew zini te Jerusalem, sikiyu is menge etew he edsilut te menge meǥinged kayi te inged, ne uwita niw is menge ǥumaan niw.”

1 Samuel 3:4

mid-umew sikandin te Nengazen. Midtavak si Samuel te, “Hengkey, datù?”