Isaias 6:3 - Manobo Western Bukidnon OT

³ Ne ebpekegkeǥiyà sikandan te: “Waǥas, waǥas, waǥas is Nengazen he Mekeǥeǥehem he is kebpekiduma zin nekeeneb te tivuuk he kelibutan.”

Isaias 6:3 교차 참조

Ezra 3:11

Dutun midalig dan wey mibpeselematan is Nengazen; migkanta zan he edhenduen te, “Meupiya iyan is Nengazen, su is kebmahala zin te Israel ne wazà pidtemanan.” Ne ingkulahì te mezaǥing te langun he menge etew zutun is kedeliǥa zan te Nengazen su ǥeina te nepasad en is pundasyun duen te valey te Nengazen.

Salmo 57:11

Ipeehè nu Nengazen is kegkemekeǥeǥehem nu ziyà te langit wey kayi te tivuuk he kelibutan.

Salmo 66:2

Kanta kew te kedalig kandin. Iveǥey niw kandin is dengeg pinaaǥi te kedeliǥa niw kandin.

Salmo 72:19

Ereg he edeliǥen is kegkemekeǥeǥehem din te wazà pidtemanan. Berakat he maahà te menge etew kayi te tivuuk he kelibutan is kegkemekeǥeǥehem din. Amen! Amen!

Salmo 8:2

Minsan is dezeisey pa he menge vatà mibpenurù nu te kedalig kenikew, su wey mepeel-elezi is menge kuntada nu he ebpeninguhà he mekavales.

Salmo 90:16

Ipeehè nu kenami te menge suluǥuen nu wey te menge kevuwazan dey, is egkein-inuwan he vaal nu wey is kegkemekeǥeǥehem nu.

Salmo 97:6

Impahayag te langit he metazeng sikandin, ne naahà te langun he menge etew is kegkemekeǥeǥehem din.

Salmo 99:3

Edeliǥen sikandin te menge etew su mekeǥeǥehem wey egkein-inuwan sikandin. Waǥas sikandin!

Salmo 99:9

Deliǥa is Nengazen he Megbevayè tew. Simbaha niw sikandin diyà te segradu he vuvungan he migaked din, su waǥas is Nengazen he Megbevayè tew.

Exodus 15:11

Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!

Isaias 24:16

Egkezineg is kanta ziyà te kinemeziyuan he vahin te kelibutan he edhenduen te, “Edeliǥen is Metazeng he Megbevayà!” Piru mekehizuhizu a su midluyahan a. Su mibpedayun gihapun is kedluib te menge meluiven he menge etew.

Isaias 40:5

Ne ibpezayag is mekeǥeǥehem he kebpekiduma te Nengazen, ne egkaahà heini te langun he menge etew. Su iyan mismu migkaǥi is Nengazen kayi.”

Isaias 54:5

Su siak is midlimbag kenikew, egkehimu a he iring te esawa nu. Mekeǥeǥehem he Nengazen is ngazan ku. Siak, is Waǥas he Megbevayà te Israel, iyan a Menluluwas nu. Egngezanan a he ‘Megbevayà te tivuuk he kelibutan.’

Ezekiel 43:2

Ne zutun neehè ku is mekeǥeǥehem he kebpekiduma te Megbevayà te Israel he ebpekeuma is ebpuun diyà te edsilaan. Is keǥurub te kebpekeuma zin iring te deǥurus te meseleg he wahig, ne mid-anlag is tanà tenged te mekeǥeǥehem he kebpekiduma zin.

Ezekiel 44:4

Ne miduma a zuen te etew ziyà te egkesinaruwan duen te valey te Nengazen. Ne ziyè key mebayà te veyeey he zapit te zizaya. Ne zutun neehè ku is mekeǥeǥehem he kebpekiduma te Nengazen he nekeeneb dutun te valey zin, ne segugunà a midlangkeb.

Habakuk 2:14

Su is menge etew kayi te kelibutan, egkepenù te keuluwanen vahin te gehem te Nengazen, iring te zaǥat he nepenù te wahig.

Zacarias 14:9

Iyan is Nengazen egkehimu he hadì te tivuuk he kelibutan. Iyan dà sikandin egkilelaan he Megbevayà ne wazè en duma.

Numero 14:21

Piru ebpenangdù a, is uuyag he Nengazen, he mintras nekepenù te tivuuk he kelibutan is mekeǥeǥehem he kebpekiduma ku, tutuu zaan he