Isaias 53:3 - Manobo Western Bukidnon OT

³ Mid-undaunda sikandin wey inselikwey te menge etew. Mahabet is neseǥazan din he menge kemeresayan wey menge elentusen. Mid-iniyuǥan tew sikandin, midsudì tew, wey mid-isip tew he wazè din bali.

Isaias 53:3 교차 참조

Salmo 69:29

He Megbevayà, nesekitan a wey nekaantus a, umbe levani a kenikew pinaaǥi te kedlibriya nu kediey.

Salmo 88:4

Sevaha a zuen te menge etew he edserupatey en. Neiring a te etew he kenè en egketavang.

Isaias 49:7

Is Nengazen, he Menluluwas wey Waǥas he Megbevayà te Israel, migkaǥi sikandin diyà te etew he edsudien wey igkeremerik te menge etew ziyà te menge nasyun, wey te suluǥuen te menge pengulu. Ke sikandin te, “Egkaahà te menge hadì ke hentei ka ne edhitindeg sikandan te kedtahud kenikew. Is menge pengulu edunghuy te kebeǥey te zengeg kenikew. Egkeulaula heini tenged kediey te Nengazen he metinumanen, he iyan kes Waǥas he Megbevayà te Israel. Iyan a mibpilì kenikew.”

Isaias 50:6

Idtaan ku is peka ku ziyà te menge edlagkut kedì wey is buked ku ziyà te menge ebpemazut te sumpè ku. Ebpesegdanen ku en sikandan te kebpe-el-elezi zan kedì wey ked-ilevi zan te vuked ku.

Isaias 52:14

Mahabet is egkeinuinu kandin, su egkezeetan is dagwey zin ne henduen be te kenè en paras te etew is paras din.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Isaias 53:4

Benar iyan, mid-antus din is menge kemeresayan wey menge elentusen he para pezem kenitew. Piru kunaan tew ke midsilutan sikandin te Megbevayà tenged te menge salè din.

Micas 5:1

Guntaan, sikiyu is menge tig-Jerusalem, endama niw is menge sundaru niw su midliǥuyan kew te menge kuntada niw. Edlegkuten dan te tuked is buked te pengulu te Israel.

Zacarias 11:8

Naawà is pelavey ku zuen te tetelu he menge perevantey te menge kerehidu he nepeukan e zan. Umbe impaawè ku sikandan is langun seled dà te senge vulan.

Deuteronomio 32:15

Mid-uswag is menge Israilihanen piru nekidsukulè dan gihapun. Mibmelembù dan wey midekelà, iyan mid-iniyuǥan dan is Megbevayà he iyan midlimbag kandan, wey mid-engkezan dan is endilungè dan he vatu he iyan daan menluluwas dan.