Isaias 5:7 - Manobo Western Bukidnon OT

⁷ Is pemuleey te Nengazen he Mekeǥeǥehem he mid-elimahan din wey igkelipey zin, iyan is menge etew ziyà te Israel wey Juda. Edtaǥad sikandin he tumana zan is hustu he kukuman, piru nasì dan mebpenhimatey. Edtaǥad sikandin he veeli zan is metazeng, piru nasì dan mebpendaagdaag.

Isaias 5:7 교차 참조

Genesis 4:10

Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

2 Samuel 7:10

Mibeǥayan ku en is menge etew ku he Israilihanen te ubpeey he pirmeninti, para zuen dan en keugelingen he ubpeey he wazè en ebpekesamuk kandan wey ebpekezaagdaag iring duen te nehuna,

Job 34:28

Edèdaaǥen dan is menge pubri, ne nezineg te Megbevayà is kebuyù dan te tavang.

Salmo 147:11

kekenà, iyan is edtahud kandin wey edsarig te ǥaǥew zin.

Salmo 149:4

Su igkelipey te Nengazen is menge etew zin; mibeǥayan din te zengeg is kenà memepelavawen pinaaǥi te kebpekezaag dan.

Salmo 80:15

he iring te pinemula he paras he impemula nu pinaaǥi te ǥehem nu. Tentenuzi key kenikew is menge anak nu he impehitindeg nu su para mevantug ka.

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Erubasa 21:13

Emun kenè ta idtetepian is egkengeayuayu he ebpekitavang kenita, ne kenè ki zaan idtetepian emun iyan ki ebpekitavang.

Megwewali 4:1

Ne neehè ku is menge kebpenlupig kayi te kelibutan. Neehè ku is menge luhà te menge edèdaaǥen, ne wazà ebpekelangan wey edlig-en kandan. Dekelà is gehem te menge edaagdaag kandan.

Solomon 7:6

Utew ka mezagwey is pelanggè ku; utew ka mekewiwili.

Isaias 1:21

Ahàa niw man is inged he Jerusalem. Hein aney metinumanen is menge meǥinged kayi, piru ǥuntaan neiring en sikandan te vahi he ebelegyà te zengeg din. Hein aney metazeng he menge etew is ebpemen-ubpà diyà te Jerusalem, piru ǥuntaan menge teremunù.

Isaias 1:6

Puun te ulu zin taman te parapara zin ne wazè en egkekaǥi ta he meupiya, su pudu en palì, daǥem, wey levag. Wazà heini melùlui, etawa mevukusi, etawa mevewii.

Isaias 27:2

Dutun daan he timpu, egkanta kew mehitenged te zekelà he sebpet he egkekuwa niw ziyà te pemuleey niw te paras.

Isaias 3:14

Edhukuman din is menge ebpemendumala wey menge pengulu te menge etew zin. Iyan heini sumbung din kandan, “Midezeetan niw is pemuleey ku te paras he iyan is menge etew ku. Nepenù is menge valey niw te menge azen he mibpenguwa niw ziyà te menge pubri.

Isaias 3:15

Maan is edèdaaǥen niw is menge etew ku wey edresayen niw is egkengaayuayu?” Iyan heini migkaǥi te Nengazen he MEGBEVAYÀ he Mekeǥeǥehem.

Isaias 3:17

Umbe, ibpemezeǥes ku is ulu zan, ne egkeupew sikandan.”

Isaias 30:12

Umbe, migkaǥi is Waǥas he Megbevayà te Israel te, “Geina te inselikwey niw is menge lalag ku wey midsarig kew te kebpendaagdaag niw wey kebpenlimbung niw,

Isaias 46:12

Pemineg kew kediey, is utew menge mesinupaken. Kenè kew ebpekaangken te metazeng he kezeeǥan.

Isaias 5:2

Mid-eradu zin heini wey mibpen-awè din is menge vatu zuen, ne mibpemulaan din te utew meupiya he menge paras. Mibaal sikandin te ubpeey te ebantey ziyà te teliwazà kayi te pemuleey, ne mibpevudsiyan din is batu he para egkeresan te paras. Midtaǥad sikandin he mebeǥas heini te meemis, piru mibeǥas heini te mepezes.

Isaias 59:13

Midsupak wey midluivan tew is Nengazen; mid-iniyuǥan tew is Megbevayè tew. Edèdaaǥen wey ebpesipelahan tew is duma. Ebpurungan tew ed-is isipa ke ebmenmenuwen tew is kedtarùtarù tew.

Isaias 59:14

Ne iyan heeyan hinungdan he wazè pa siluti te Megbevayà is menge kuntada tew wey wazè kiw zin pa veǥayi te kezeeǥan duma is ketazeng. Egketembunan en is tutuu ziyà te minsan hendei; is menge etew kenè en egkeseriǥan.

Isaias 59:4

Wazà diyà te keniyu is hustu he kukuman; ne tarù is menge sumbung niw mehitenged te iring niw he etew. Ebpelanu kew te mezaat, ne ebeelen niw heini.

Isaias 62:5

Is midlimbag kenikew, ed-esewaan ke zin iring te betan-en he maama he ebpengesawa te wazè pa mekeremaǥi. Ne iring te igkelipey te maama is ed-esewaan din, igkelipey ka zaan te Megbevayè nu.

Jeremias 12:10

Midezeetan te mahabet he menge pengulu is Juda he mid-isip ku he pemuleey ku te paras. Midtekutakan dan heini is mekempet he tanè ku ne midhimu zan he sibsivayan.

Jeremias 24:2

Is menge higus diyà te sevaha he vaskit utew memeupiya wey nengelutuan. Piru is menge higus duen te sevaha pa he vaskit ne memezaat ne kenà egkekaan.

Jeremias 50:46

Tenged te utew subra he kegkezeeti te Babilonia egkeenluwag is tanà, ne is erang dan ebpekeuma is kegkezineǥa zuen diyà te zuma he menge nasyun.”

Ezekiel 22:29

Umbe, nenlimbung wey nenakew is menge etew. Edèdaaǥen dan is menge pubri wey menge egkaayuayu, wey is kenà menge Israilihanen he zuma zan he meǥinged. Wazè dan heini veǥayi te hustu he kukuman.

Hoseas 10:1

“Is menge tig-Israel, iring te pinemula he paras he merapung wey mahabet is menge veǥas din. Dutun te ked-uswag dan, mezakel he menge pemuhatà is mibeelan dan, ne mibpekekempet dan is tedeman he menge vatu he ed-ezapen dan.

Micas 6:12

Mesipala is menge sepian keniyu, ne menge teruen kew.

Micas 6:8

Midtavak si Micas te, “Mibpenurù kiw en te Nengazen ke hengkey is meupiya. Ne iyan heini egkesuatan din he tumana tew: Ebeelan tew ke hengkey is metazeng, ibpelavi tew is kegkehizu te zuma, wey edsunud kiw te Megbevayè tew duma is kenà kebpelavew.”

Habakuk 1:3

Maan is impeehè nu pa kediey heini is kezeetan wey kegubut? Minsan hendei ne egkeehè ku is inhimetayà, kebpepespesipelahà, kedtebek, wey kebikilan.

Zefanias 3:17

Su zuma niw is Nengazen he Megbevayè niw. Iring sikandin te mekeǥeǥehem he sundaru he edlibri keniyu. Igkelipey kew zin, ne pinaaǥi te kebmahala zin keniyu ebeg-uwen din is untung niw. Egkanta sikandin wey ed-ugyab te kegkelipey tenged keniyu,

Deuteronomio 15:9

Kenè kew med-isip te selakew, kenè niw isipa he tenged te hapit en egkeuma is ikepitu he tuig, he iyan kes tuig he kenè en edsukuten is utang ne kenè kew en ebpeutang te pubri he zuma niw he meǥinged. Su emun edangep heini is pubri ziyà te Nengazen tenged te kebeeli niw zutun ne zuen niw televaken.