Isaias 5:6 - Manobo Western Bukidnon OT

⁶ Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Isaias 5:6 교차 참조

1 Hadì 17:1

Ne zuen sevaha he ebpeneuven te Nengazen he iyan ngazan din si Elias. Meǥinged sikandin diyà te Tishbe, he sakup te Gilead. Migkeǥiyan din si Ahab te, “Kayi te etuvangan te uuyag he Nengazen he Megbevayà te Israel he iyan ed-zapen ku, egkeǥiyen ku kenikew he siguradu wazà dehemug etawa uzan he ebpekeuma seled te egkepipira he tuig emun kenà a egkaǥi he ebpekeuma heini.”

1 Hadì 8:35

“Emun kenè nu ibpeuzan tenged te nekesalà is menge etew nu, ne emun ebpengemuyù dan he edsinaru kayi te valey nu wey edalig dan kenikew, wey ed-engkezan dan is kebaal te salà tenged te kedsiluti nu kandan,

Job 31:40

ne zeyzey ke iyan edtuvù diyà te tanè ku is dezeisey he kayu wey menge sagbet ne kenà iyan is trigu wey barli.” Kayi metapus is menge lalag ni Job.

Erubasa 24:31

Mid-erikumunan en heini te ribpes wey zuǥiyen he menge zezeisey he kayu, ne nerundus en is menge alad kayi.

Isaias 24:12

Egkevengkag is inged ne kenè en egkepurungan, ne egkengeǥevà is menge pultahan kayi.

Isaias 30:23

Ebeǥayan kew te Nengazen te uzan dutun te timpu te kebpemula, ne ed-uzaren kew. Dutun he timpu ebpenabtab is menge ayam niw ziyà te meluag he menge penebtavà.

Isaias 32:10

Subra zà he senge-tuig puun guntaan, ne ebpengerkeren kew en su kenè en ebpekeveǥas is paras, ne wazè niw egkepenrupù.

Isaias 49:19

Nezeetan ka wey nehimu he mekevulungbulung, piru ǥuntaan ed-ubpaan ke en te menge etew nu; hapit sikandan kenà ed-ereg diyà te kenikew. Ne sikan is menge midezaat kenikew ne ebpekepeziyù en.

Isaias 55:13

Edtuvù is menge kayu he sipris wey mirtu ziyà te edtuvuan guntaan te zuǥiyen he zezeisey he kayu. Tenged te kegkeul-ulaha kayi egkeveǥayan a te zengeg; egkehimu heini he tuus te kegkemekeǥeǥehem ku te wazà pidtemanan.”

Isaias 7:19

Ebpekeuma heini sikandan ne ed-ubpè dan diyà te minsan hendei: diyà te merusirem he menge zal-ug, diyà te vudsi te zezekelà he menge vatu, diyà te zuǥiyen he zezeisey he kayu, wey ziyà te menge penebtavà.

Jeremias 14:1

Iyan heini migkaǥi te Nengazen kayi te kedì mehitenged te meluǥayad he ǥulavung:

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Jeremias 25:11

Egkehimu he mekevulungbulung heini is tivuuk he tanà. Heini he nasyun wey is menge nasyun diyà te peliǥuy kayi ebpenilbi te hadì te Babilonia seled te 70 he tuig.

Jeremias 45:4

“Baruc, migkaǥi pa is Nengazen te, ‘Ebengkaǥen ku is nasyun he mibangun ku. Ebezuten ku is impemula ku. Ebeelan ku heini ziyà te tivuuk he tanà.

Penhulùhulù 2:6

Midrundus din is baley zin he henduen dà te midrundus he lawig diyà te vevesukà. Ketau zin he melipati te menge etew ziyà te Jerusalem is midtelaan he menge pista wey is menge Andew te Kedhimeley. Tenged te utew zin kegkepauk inselikwey zin is menge hadì wey menge memumuhat.

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Hoseas 9:6

Minsan egkepeleǥuyan niw is kezeetan, edtiǥumen kew gihapun diyà te Ehipto ne idleveng kew ziyà te Memfis. Egketembuan dà te sagbet wey zuǥiyen he dezeisey he kayu is mahalen he menge gelemiten niw he pelata wey is menge tulda niw.

Joel 1:7

Midezeetan dan is menge pinemula he paras te Nengazen wey is menge kayu zin he higus. Migketket dan is menge lekang kayi taman te mibmeputì is menge subpang.

Amos 4:7

“Iyan a mid-eǥen te uzan te tetelu he vulan human is tiraǥun. Mibpeuzanan ku is duma he menge inged piru is duma wazè ku peuzani. Mibpeuzanan ku is duma he menge pemuleey piru is duma mibmemaza.

Deuteronomio 29:23

Is tivuuk he tanè niw egkeiring te disirtu he netembunan te esupri wey timus. Wazà ebpemula kayi he tanà su kenà edtuvuan te pinemula. Egkezeetan heini iring te kegkezeeti te Sodom wey Gomora, Adma wey Zeboyim he midezeetan te Nengazen tenged te utew zin kegkepauk.