Isaias 49:3 - Manobo Western Bukidnon OT

³ Migkaǥi sikandin kayi te kedì te, “Israel, iyan ka suluǥuen ku. Pinaaǥi kenikew, ebeǥayan a te menge etew te zengeg.”

Isaias 49:3 교차 참조

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Isaias 44:23

Megkanta tenged te kegkelipey, is langit! Habet ka pengulahì, is kelibutan! Kanta kew is menge vuvungan wey menge kayu ziyà te ketelunan, su ebeelan heini te Nengazen. Edlibriyen din is menge kevuwazan ni Jacob; ibpeehè din diyà te Israel is kegkemekeǥeǥehem din.

Zacarias 3:8

Guntaan pemineg ka Josue he lavew he memumuhat: Sikew wey is duma nu he memumuhat, menge tuus kew te edtelinguma he menge hitavù. Su edsuǥuen ku is suluǥuen ku he migngezanan te Subpang.

Isaias 52:13

Migkaǥi is Nengazen te, “Pemineg kew! Ebmeuswaǥen is suluǥuen ku, egkevantug sikandin wey ebeǥayan te zengeg.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Isaias 43:21

Iyan heini menge etew he midlimbag ku su para mehimu he kediey, wey para deliǥa e zan.

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Isaias 41:8

“Piru sikew Israel, is suluǥuen ku wey pinilì, he iyan menge etew nu is menge kevuwazan ni Abraham te emiǥu ku,