Isaias 48:2 - Manobo Western Bukidnon OT

² Egngeranan niw is keugelingen niw he meǥinged diyà te segradu he inged, ne egkaǥi kew te edsarig kew te Megbevayà te Israel, he iyan ngazan din is Nengazen he Mekeǥeǥehem.”

Isaias 48:2 교차 참조

Nehemias 11:1

Dutun he timpu, is menge pengulu te menge etew ziyà te Israel ziyè ed-ubpà te Jerusalem, he iyan kes segradu he inged. Dutun midripa is menge etew he ziyè med-ubpà te gawas te Jerusalem su egkeusatan dan he kada sepulù he pemilya ne zuen senge pemilya he ziyà ebpekeubpà te Jerusalem, ne sikan is egkesamà ne kenè en mulà ed-awà diyà te menge inged dan.

Nehemias 11:18

Is kezakel te menge Levihanen he mid-ubpà diyà te Jerusalem, he iyan kes segradu he inged, 248 langun.

Salmo 48:1

Mekeǥeǥehem is Nengazen he Megbevayè tew, ne ereg sikandin he edeliǥen is diyà te inged din he iyan is Jerusalem he ziyà te segradu he vuvungan din.

Salmo 87:3

Meupiya is menge lalag din mehitenged kayi he inged.

Isaias 10:20

Egkeuma is andew he is egkengesamà he menge kevuwazan ni Israel, he iyan si Jacob, kenè ne edsarig te Asiria he mibpaantus kandan, kekenà, diyè en edsarig te Nengazen, he Waǥas he Megbevayà te Israel. Ebpekid-uliey zan te Mekeǥeǥehem he Megbevayà.

Isaias 47:4

Is Menluluwas tew, he iyan ngazan din is Nengazen he Mekeǥeǥehem, iyan Waǥas he Megbevayà te Israel.

Isaias 51:13

Nelipatan niw en be he iyan a mibaal keniyu? Iyan a midempas te langit wey mibpelastar te midtukuzan te kelibutan. Maan is nengungubpaan kew he layun egkahandek te pauk te ebpesipala wey egkesuat he edezaat keniyu? Is pauk dan kenè en ebpekekaid keniyu.

Isaias 51:15

Su iyan a is Nengazen he Megbevayè niw, migkutew te zaǥat wey mibpesenuhug te menge vaǥel kayi. Mekeǥeǥehem he Nengazen is ngazan ku.

Isaias 52:1

He Zion, enew ke en, wey mebpekelig-en! Sikew is segradu he inged he Jerusalem, ipeehè nu is kegkemekeǥeǥehem nu! Su is menge kuntada nu he kenà menge Israilihanen he ed-isipen he meremerik, kenè en ebpekeseled diyà te kenikew.

Jeremias 10:16

Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is Israel, he iyan kes menge etew he migaked din. Nengazen he Mekeǥeǥehem is ngazan din.

Jeremias 21:2

“Betbetai nu hengyui is Nengazen te kedtavang kenami, su midsurung key ni Hadì Nebucadnezar he hadì te Babilonia. Su kela ke mebaal is Nengazen te egkein-inuwan iring te mibeelan din dengan, su para meengked is kedsurung ni Nebucadnezar.”

Jeremias 44:26

Piru pemineǥa niw is menge lalag ku, ziyà te keniyu te menge etew ziyà te Juda he kayi med-ubpà te Ehipto. Impenangdù ku ziyà te ǥehinawa ku he wazè en keniyu ebpekeǥamit te mekeǥeǥehem he ngazan ku. Kenè ku en idtuǥut ke egemiten niw is ngazan ku te kebpenangdù niw te iring kayi: “Ebpenangdù a pinaaǥi te ngazan te uuyag he Nengazen he MEGBEVAYÀ.”

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Zatù 17:13

Migkaǥi si Micas te, “Guntaan, siguradu he edtuvazan a te Nengazen su zuen ku en memumuhat he Levihanen.”