Isaias 48:1 - Manobo Western Bukidnon OT

¹ “Pemineg kew is menge kevuwazan ni Jacob, he egngezanan te Israel, he ebpuun diyà te tribu ni Juda. Nenangdù kew pinaaǥi te ngazan te Nengazen, wey mid-umew niw is Megbevayà te Israel. Piru kenà heini ebpuun diyà te gehinawa niw, su kenè kew menge metazeng.

Isaias 48:1 교차 참조

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Genesis 35:10

Migkeǥiyan sikandin te Megbevayà te, “Jacob is ngazan nu, puun guntaan ne kenè en maan Jacob is igngazan kenikew, kekenà, Israel en.” Umbe Israel en is ngazan ni Jacob.

2 Hadì 17:34

Taman en guntaan he menge andew is kebeeli zan kayi. Kenà tutuu is ked-ezapa zan te Nengazen, ne wazà sikandan medtuman te menge suǥù, menge sulunuzen, menge penurù, wey menge kesuǥuan he imbeǥey te Nengazen te menge kevuwazan ni Jacob, he migngezanan din te Israel.

2 Hadì 5:20

ne sikan is suluǥuen ni Elisha he si Gehazi, neisip din is, “Impeǥenat te egalen ku si Naaman he Aramihanen he wazè din dewata is igasa zin. Ebpenangdù a ziyà te uuyag he Nengazen he edel-asen ku sikandin ne egkuwa a ziyà te kandin te minsan hengkey.”

Salmo 63:11

Egkelipey is hadì tenged te midhimu te Megbevayà diyà te kandin. Egkelipey zaan is langun he ebpenangdù diyà te Megbevayà. Piru ibpetiem mulà te Megbevayà is menge teruen.

Salmo 66:3

Keǥiyi niw sikandin te, “He Megbevayà, utew iyan egkein-inuwi is menge vaal nu. Tenged te zekelà he ǥehem nu nekeluhud diyà te etuvangan nu is menge kuntada nu.

Salmo 68:26

Ne ibensag dan is lalag he edhenduen te, “Deliǥa niw is Megbevayà ke edtiǥum kew! Sikiyu is langun he kevuwazan ni Israel, deliǥa niw is Nengazen!”

Salmo 68:27

Edhuna is deisey he tribu ni Benjamin, ne iyan edtinundug is menge pengulu te Juda duma is menge grupu zan, ne edtinundug kandan is menge pengulu te Zebulun wey Naftali.

Exodus 23:13

Purungi niw tumana heini is langun he migkaǥi ku keniyu. Kenè kew ampù diyà te zuma he menge ed-ezapen, ne kenè niw hisguti is ngazan dan.”

Erubasa 5:16

Kenè nu ituǥut he egkehimu ka he iring te serebseb he minsan hentei zà he vahi is ebpekekuwa wey ebpekeinum duen.

Isaias 26:13

Nengazen he Megbevayè dey, nezizalem key te gehem te zuma he menge egalen, piru iyan ke zà ed-ezapen dey.

Isaias 44:5

Duen egkaǥi te, ‘Gaked a te Nengazen,’ ne is duma egkaǥi te, ‘Kevuwazan a ni Jacob.’ Duen daan idsurat dan diyà te menge velad dan is ngazan te Nengazen, ne ed-isipen dan is keugelingen dan he ragkes sikandan te menge Israilihanen.

Isaias 45:23

Nenangdù a pinaaǥi te keugelingen ku, ne egkeseriǥan is mibpengaǥi ku ne kenè en heini egkahalin: Edluhuzan a te langun he etew, ne ebpenangdù dan he ebpekid-uunungen sikandan kediey.

Isaias 46:12

Pemineg kew kediey, is utew menge mesinupaken. Kenè kew ebpekaangken te metazeng he kezeeǥan.

Isaias 51:1

Migkaǥi is Nengazen te, “Pemineg kew kediey, sikiyu is egkesuat he egkelibri wey midangep kayi te kediey. Tentenuzi niw si Abraham wey si Sara he kepuun niw, iring sikandan te vatu he zutun kew tipaka etawa vudsi he zutun kew keluta. Hein mid-umew ku si Abraham, ne sebsevaha zin dà, piru midtuvazan ku sikandin ne mibeǥayan ku te mahabet he menge kevuwazan.

Isaias 58:2

Andew-andew is kedangep dan kayi te kediey, henduen be te egkesuat dan he metueni zan is menge paaǥi ku. Emun ed-ahaan, henduen be te metazeng sikandan he menge etew, ne henduen be te wazè dan iselikwey is menge suǥù ku. Ibpeehè dan he henduen te egkesuat dan he ed-uvey kayi te kediey is ebuyù te metazeng he kukuman.

Isaias 62:8

Nenangdù is Nengazen he pinaaǥi te gehem din ebeelan din heini. Ke sikandin te, “Kenè ku en ibpekaan is menge trigu niw te menge kuntada niw he lumelengyawè, ne kenè dan en ed-inumen is binu he midheǥuan niw.

Isaias 64:6

Neiring key is langun te vutang he meremerik, ne is langun he meupiya he menge vaal zey, ne iring dà te meremerik he terapu. Iring key is langun te zahun he neǥangu, ne is kelelalung dey ne iring te keramag he midlayap kenami.

Isaias 65:16

Is minsan hentei ziyà te tanà te Israel he ebpenuvadtuvad etawa ebpenangdù, ebeelan din heini pinaaǥi te ngazan ku te Megbevayà he egkeseriǥan. Su edlipatan ku en is midlavey he menge kelised; id-awè ku en heini ziyà te ked-ehè ku.’

Jeremias 4:2

ne ngazan ku zà is gemita nu emun edheǥeten nu is penangdù nu ne pengungubpaan ka he egkeseriǥan, hustu wey metazeng, ne egkehimu ka he tuvad te menge nasyun, ne ebeǥayan ke zan te zengeg.”

Jeremias 44:26

Piru pemineǥa niw is menge lalag ku, ziyà te keniyu te menge etew ziyà te Juda he kayi med-ubpà te Ehipto. Impenangdù ku ziyà te ǥehinawa ku he wazè en keniyu ebpekeǥamit te mekeǥeǥehem he ngazan ku. Kenè ku en idtuǥut ke egemiten niw is ngazan ku te kebpenangdù niw te iring kayi: “Ebpenangdù a pinaaǥi te ngazan te uuyag he Nengazen he MEGBEVAYÀ.”

Jeremias 5:2

Iyan, minsan pa te edheǥeten niw is penangdù niw pinaaǥi te ngazan ku, edtarùtarù kew ǥihapun.”

Leviticus 19:12

Kenè kew penangdù te tarù he egemiten niw is ngazan ku, su emun ebeelan niw heeyan ne ebpeel-elezan a keniyu. Iyan a kes Nengazen.

Micas 2:7

Maan, mibpekezaat be te Nengazen is menge kevuwazan ni Jacob? Naamin en be is pelavey zin? Buluhaten din be is kebpendezaat?” Kenà heeyan egkehimu! Iyan heini tavak te Nengazen keniyu: “Angin pezem ke meupiya is mibeelan niw su siguradu he egkezawat niw is impenaad ku.

Zefanias 1:5

Edezeetan ku zaan is menge ebpemenahik diyà te atep te valey zan su ed-azap dan te andew, bulan, wey menge vituen. Edezeetan ku is menge ed-azap wey nenangdù he ebpenilbi kayi te kedì piru nenangdù daan he ebpenilbi ziyà te ed-ezapen he si Molec.

Zacarias 5:3

Ne migkaǥi haazà is belinsuǥuen kayi te kedì te, “Nekesurat keniyan te velesahan is rawak he egkehitavù diyà te tivuuk he tanà te Israel. Nekaǥi ziyà te senge vahin he id-awà puun te Israel is langun he menge tekawen, ne nekaǥi ziyà te selakew en he vahin he id-awà daan is langun he ebpenangdù te tarù.

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”

Numero 24:7

Edrepey is wahig diyà te teleǥuey zan, ne ebpemula zan te menge lisu ziyà te menge tanà he wehiǥen. Is menge hadì dan egkehimu he edhuna pa he gehemanen kenà ki Agag he hadì te menge Amalikanhen. Ne egkevantug is ginhedian dan.

Deuteronomio 10:20

Tehuza niw is Nengazen he Megbevayè niw wey silbiyi niw sikandin. Kenè kew awà diyà te kandin ne ngazan din dà is gemita niw emun ebpenangdù kew.

Deuteronomio 33:28

Umbe, ebpekepengungubpaan is menge Israilihanen he meziyù te kezeetan, dutun te tanà he uuzaran te trigu wey vinu, wey zehemug he ebpuun diyà te langit he ebeǥey te wahig diyà te tanà.

Deuteronomio 5:28

“Ne nezineg te Nengazen haazà is migkaǥi niw zutun te kebpekidlalag niw kedì, ne migkaǥi sikandin kayi te kedì te, ‘Nezineg ku is migkaǥi kayi te menge etew ziyà te kenikew, ne meupiya is langun he migkaǥi zan.

Deuteronomio 6:13

“Tehuza niw is Nengazen he Megbevayè niw; iyan niw zà sikandin silbiyi, ne ngazan din dà is gemita niw emun ebpenangdù kew.