Isaias 47:4 - Manobo Western Bukidnon OT

⁴ Is Menluluwas tew, he iyan ngazan din is Nengazen he Mekeǥeǥehem, iyan Waǥas he Megbevayà te Israel.

Isaias 47:4 교차 참조

Salmo 19:14

Sikew, Nengazen, is eputè ku, wey mibelukas kedì, berakat he ebpekepenunuat kenikew is menge lalag he egkengekaǥi ku wey egkeisip ku.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Isaias 43:14

Iyan heini egkeǥiyen te Nengazen, he menluluwas niw, he Waǥas he Megbevayà te Israel, “Para melibri kew, ibpesurung ku is Babilonia te menge sundaru te sevaha he nasyun, ne ebpemelaǥuy is menge tig-Babilonia ziyà te menge varku he ibpahambug dan.

Isaias 43:15

Iyan a, is Nengazen, he Waǥas he Megbevayè niw, iyan a mibaal te Israel, iyan a hadì niw.

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Isaias 44:6

“Iyan heini egkeǥiyen te Nengazen, kes hadì wey Menluluwas te Israel, he Mekeǥeǥehem he Nengazen: Iyan a kes nehuna wey egkepengkusan te langun. Wazè en duma he Megbevayà gawas kediey.

Isaias 49:26

Ibpekaan ku te menge midaagdaag kenikew is keugelingen dan he lawa, ne iring te vinu egkelangut dan te keugelingen dan he lengesa. Ne egketuenan te langun he etew he iyan a Nengazen, iyan a Menluluwas nu wey Perevelukas, iyan a Mekeǥeǥehem he Megbevayà ni Jacob.”

Isaias 51:15

Su iyan a is Nengazen he Megbevayè niw, migkutew te zaǥat wey mibpesenuhug te menge vaǥel kayi. Mekeǥeǥehem he Nengazen is ngazan ku.

Isaias 54:5

Su siak is midlimbag kenikew, egkehimu a he iring te esawa nu. Mekeǥeǥehem he Nengazen is ngazan ku. Siak, is Waǥas he Megbevayà te Israel, iyan a Menluluwas nu. Egngezanan a he ‘Megbevayà te tivuuk he kelibutan.’

Jeremias 31:11

Edlibriyen ku sikandan is menge kevuwazan ni Jacob diyà te ǥehem te menge etew he edhuna he mekeǥeǥehem kandan.

Amos 4:13

Is Megbevayà, iyan mibaal te menge vuvungan wey midlimbag te keramag, ne iyan daan sikandin edliwan te meselem te mezukilem. Impahayag din diyà te etew is menge pelanu zin, ne iyan sikandin ebayàbayà te tivuuk he kelibutan. Is ngazan din iyan is Nengazen he Megbevayà he Mekeǥeǥehem.