Isaias 40:3 - Manobo Western Bukidnon OT

³ Duen menunudtulà he ebpemensag diyà te sibsivayan. Ke sikandin te, “Endama niw is beyeey ziyà te sibsivayan he zutun ed-ikul is Nengazen. Tendanga niw is dalan he ed-ikulen te Megbevayè tew.

Isaias 40:3 교차 참조

Salmo 68:4

Kentahi niw is Megbevayà, kentahi niw sikandin te menge kedalig. Deliǥa niw sikandin is ed-untud te ǥapun. Is ngazan din iyan is Nengazen; mebmelipayen kew ziyà te etuvangan din.

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Isaias 40:4

Is kada lis-evu, edtembakan te tanà, ne is kada vuntud etawa buvungan, ne ebpenhayen, ragkes is menge lugar he ebpemukbuketur.

Isaias 43:19

su beǥu en is menge ebeelan ku. Ne neveelan en heini, wazè niw ve maahà? Ebaal a te zalan wey menge teheb diyà te disirtu.

Isaias 49:11

Ebeelan ku he zalan is menge vuvungan ku su para veyeey zan. Ne is metikang he menge lugar egkehimu he meluag he menge zalan.

Isaias 57:14

Egkaǥi a te, ‘Purungi is dalan. Iawà is nemekevelavag diyà te veyeey te menge etew ku.’ ”

Malakias 3:1

Pemineg kew te migkaǥi te Nengazen he Mekeǥeǥehem, “Edsuǥuen ku is menunudtulè ku te ked-andam te ibayè ku. Ne is Nengazen he ebperetengen niw segugunè dà he ebpekeuma zutun te valey zin. Ebpekeuma is ebpengenduyen niw he menunudtulà te kebpekid-uyun ku.”