Isaias 4:6 - Manobo Western Bukidnon OT

⁶ Ne egkeiring heini te lawig he egkehelungan emun meinit is andew wey egkehelungan daan amun duen bagyu wey uzan.

Isaias 4:6 교차 참조

Salmo 27:5

Emun timpu te kesamuk id-eles e zin wey edhimu sikandin te paaǥi wey a kenà memenu zutun te valey zin. Diyè e zin ibpehulenà te lugar he kenà a zuen egkekeizan.

Salmo 55:8

Egaanggaan a ebpen-ahà te egkeelesan ku su wey a kenà meturedu te menge kuntada ku he egkepauk kedì su iring is pauk dan te utew mevendes he vagyu.

Salmo 91:1

Is minsan hentei he ed-aput diyà te Utew Lavew he Megbevayà he Mekeǥeǥehem, wazà ebpekekaid kandin.

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Isaias 30:30

Ibpezineg te Nengazen is mezaǥing he laǥeng din, wey ibpeehè din is belad din he andam en he edsilut tenged te utew zin kegkepauk. Egkezumahan heini te edriyubriyub he hapuy, egketik-ew he kedtanà te uzan, kebpenruǥung wey kebpengilat, wey ked-uzan te ǥiyew he iring kengezekelà te menge vatu.

Isaias 32:1

Duen keuzemà hadì he metazeng, ne is menge upisyal zin, wazà egkevintahaan diyà te kedumala zan.

Isaias 32:2

Is kada sevaha kandan egkehimu he iring te endilungà emun duen mevendes he keramag wey bagyu. Egkeiring daan sikandan te zezeisey he wahig he midtudà diyà te disirtu, wey alung te zekelà he vatu ziyà te meinit wey memaza he lugar.

Isaias 8:14

Iyan a egkehimu he eputè niw. Piru para te menge tig-Israel wey tig-Juda, iring a te vatu he egkesipè dan wey ebpekeurambak dan, ne para te menge etew ziyà te Jerusalem, iring a te penuǥes.

Ezekiel 11:16

“Umbe keǥiyi nu is menge zuma nu he vinihag he siak, is Nengazen he MEGBEVAYÀ, migkaǥi a te, ‘Minsan impevihag ku sikiyu wey impeyapat ku ziyà te zuma he menge nasyun, ebpekiduma a ǥihapun keniyu keniyan he menge lugar.