Isaias 39:2 - Manobo Western Bukidnon OT

² Mibpurungan seǥipaa ni Hezekia is menge menunudtulà ne impeehè din kandan is menge azen diyà te teleǥuey zin te ketiǥeyunan, is menge pelata, menge vulawan, menge penaket, menge meupiya he klasi te lana, is menge ǥumaan din wey zuma pa he menge ketiǥeyunan din. Wazà minsan hengkey he ziyà te turuǥan din etawa ginhedian din he wazè din ipeehè kandan.

Isaias 39:2 교차 참조

1 Hadì 10:10

Ne mibeǥayan duen te rayna si Hadì Solomon te vulawan he lelima he libu he kilu, mezakel he menge penaket wey mahalen he menge vatu. Wazè en ebpekerepeng te kezekelà te penaket he imbeǥey zuen te rayna te Sheba ki Hadì Solomon.

1 Hadì 10:15

kenà ragkes is menge vuhis he ebpuun diyà te menge nigusyanti, diyà te langun he menge hadì diyà te Arabia, wey ziyà te menge gubirnedur ziyà te Israel.

1 Hadì 10:2

Nekeuma sikandin diyà te Jerusalem duma te mahabet he menge sakup din, ne zuen din uwiten he menge kemilyu he kergadu te menge gasa he penaket, mahabet he vulawan, wey mahalen he menge vatu. Ne hein neked-ehè dan en ki Solomon, ne mid-insaan din si Solomon te minsan hengkey he egkesuatan din he id-insà.

1 Hadì 10:25

Kada tuig, is kada sevaha he ebpenumbaley ziyà te kandin ed-uwit te menge gasa: menge azen he vineelan puun te pelata wey vulawan, menge visti, menge ǥumaan, menge penaket, menge kudà, wey menge mula.

2 Hadì 20:13

Mibpurungan seǥipaa ni Hezekia is menge menunudtulà, ne impeehè din kandan is langun he menge azen diyà te teleǥuey zin te ketiǥeyunan, is menge pelata, menge vulawan, menge penaket, menge meupiya he klasi te lana, is menge ǥumaan din wey zuma pa he menge ketiǥeyunan din. Wazà minsan hengkey he ziyà te turuǥan din etawa ginhedian din he wazè din ipaahà kandan.

2 Cronica 32:25

Piru mebpagalbu si Hezekia ne wazè din beliya is keupiya he impaahà te Nengazen kandin. Umbe nepeukan sikandin te Nengazen wey is menge tig-Juda wey menge tig-Jerusalem.

2 Cronica 32:27

Sepian wey nevantug si Hezekia. Mibpevaal sikandin te menge budiga te menge azen din he menge pelata, menge vulawan, mahalen he menge vatu, menge penaket, menge kelasag, wey zuma pa he mahalen he menge azen.

2 Cronica 32:31

Piru mibey-anan sikandin te Megbevayà hein nekeuma is menge upisyal he ebpemuun te Babilonia he nenginginsà mehitenged te egkein-inuwan he nehitavù diyà te Juda. Mibeelan heini te Megbevayà su wey metueni ke hengkey is diyà te gehinawa ni Hezekia.

2 Cronica 9:1

Hein nezineg duen te rayna ziyà te Sheba is kegkevantug ni Solomon, ne midhendiyà sikandin te Jerusalem su egezaman din is ketau ni Solomon pinaaǥi te menge insà he menge mereǥen. Nekeuma sikandin diyà te Jerusalem duma te mahabet he menge sakup din, ne zuen din uwiten he menge kemilyu he kergadu te menge gasa he penaket, mahabet he vulawan, wey mahalen he menge vatu. Ne hein neked-ehè dan en ki Solomon, ne mid-insaan din si Solomon te minsan hengkey he egkesuatan din he id-insà.

2 Cronica 9:9

Ne mibeǥayan duen te rayna si Hadì Solomon te vulawan he lelima he libu he kilu, mezakel he menge penaket wey mahalen he menge vatu. Wazè en ebpekerepeng te kezekelà te penaket he imbeǥey zuen te rayna te Sheba ki Hadì Solomon.

Job 31:25

Wazà a mebpegalbu tenged te zekelà he ketiǥeyunan ku wey te langun he menge azen he naangken ku.

Erubasa 4:23

Purungi nu pekeventayi is diyà te isip nu, su ke hengkey is ed-is-isipen nu, iyan daan egkeveelan nu.

Megwewali 7:20

Wazà etew kayi te kelibutan he layun dà metazeng is menge vaal zin wey kenà egkesayep.

Jeremias 17:9

Utew limbungan is gehinawa te etew ne wazà meupiya he egkehimu zin. Hentei is egketau ke sengemenu is kezaat kayi?