Isaias 39:1 - Manobo Western Bukidnon OT

¹ Dutun he timpu nezineg ni Merodac Baladan he hadì diyà te Babilonia, he anak ni Baladan he neulian en si Hezekia te zaru zin. Umbe mibpeuwit sikandin te menge surat wey gasa ziyà te ki Hezekia pinaaǥi te menge menunudtulà.

Isaias 39:1 교차 참조

Isaias 23:13

Ahàa niw is tanà te menge tig-Babilonia. Hendei en buwa is menge meǥinged duen? Midhimu te Asiria heini he lugar he ubpeey zà te leew he menge langgam. Su midsurung dan heini, midrundus dan is menge melig-en he vahin kayi, ne mibey-anan dan en heini is lugar he nevengkag.

Isaias 14:4

ne un-undaha niw is hadì te Babilonia. Ne iyan heini keǥiya niw: “Nezeetan en is hadì he ebpendaagdaag. Netapus en is kebpegalbu zin.

Isaias 13:19

Edezeetan ku iring te Sodom wey Gomora is Babilonia; iyan heini utew mekempet he ginhedian te langun, bentuǥan heini wey zekelà is dengeg te menge meǥinged kayi.

Isaias 13:1

Iyan heini lalag he mehitenged te Babilonia he impehayag te Nengazen diyà te ki Isaias he anak ni Amoz:

2 Cronica 32:31

Piru mibey-anan sikandin te Megbevayà hein nekeuma is menge upisyal he ebpemuun te Babilonia he nenginginsà mehitenged te egkein-inuwan he nehitavù diyà te Juda. Mibeelan heini te Megbevayà su wey metueni ke hengkey is diyà te gehinawa ni Hezekia.

2 Cronica 32:23

Mahabet he menge etew is mid-uwit te menge halad diyà te Jerusalem he para te Nengazen. Mid-uwit dan daan te mahalen he menge gasa para ki Hadì Hezekia. Puun dutun mibeǥayan te zengeg si Hezekia te langun he menge nasyun.

2 Samuel 10:2

Migkaǥi si David te, “Ibpeehè ku ki Hanun is meupiya he kebpekidepitè ku kandin tenged te meupiya zaan is kebpekidepità te amey zin kedì.” Umbe impehendiyà ni David is menge upisyal para ibpeehè din is kebpekid-unung din te kelised ni Hanun dutun te kebpatey te amey zin. Piru hein nekeume en haazà is menge upisyal ni David diyà te tanà te menge Amunihanen,

2 Samuel 8:10

Umbe, impehendiyè din is anak din he si Joram te ki Hadì David te kebpengemusta kandin wey kebeǥey kandin te zengeg tenged te kezeeǥan din ki Hadadezer te kebpekidtebek. (Heini si Tou wey si Hadadezer ne neuǥet en he telekuntada.) Mid-uwit si Joram te menge azen he pelata, vulawan, wey brunsi he igasa zin.

2 Cronica 32:25

Piru mebpagalbu si Hezekia ne wazè din beliya is keupiya he impaahà te Nengazen kandin. Umbe nepeukan sikandin te Nengazen wey is menge tig-Juda wey menge tig-Jerusalem.