Isaias 38:3 - Manobo Western Bukidnon OT

³ Ke sikandin te, “Nengazen, tentenuzi nu is kegkemepezumdumahan ku kenikew kayi te kebpengungubpaan ku, nenilbi a kenikew te ebpuun diyà te gehinawa ku, wey meupiya is baal ku ziyà te etuvangan nu.” Ne utew sikandin nekesineǥew.

Isaias 38:3 교차 참조

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Genesis 6:9

Iyan heini guǥud mehitenged te pemilya ni Noe. Metazeng he etew si Noe. Dutun he timpu iyan dà sikandin etew he wazà igkesawey zuen; utew sikandin mibpekid-emiǥu te Megbevayà.

1 Hadì 15:14

Minsan wazà maawà sikan is menge simbahan diyà te metikang he menge lugar, mepezumdumahan gihapun si Asa te Nengazen te tivuuk he untung din.

1 Hadì 2:4

Emun ebeelan nu heini, ne edtumanen te Nengazen is insaad din kayi te kedì, he iyan is: Emun ebpengungubpaan te hustu he paaǥi is menge kevuwazan ku wey metinumanen he edsunud kandin seled te tivuuk he untung dan, ne layun duen sevaha kandan he edhadì te Israel.

2 Hadì 18:3

Meupiya is ulaula ni Hezekia ziyà te etuvangan te Nengazen, iring te mibeelan te kepuun din he si David.

1 Cronica 28:9

“Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te Nengazen is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.

1 Cronica 29:19

Wey iveǥey nu zaan diyà te anak ku he si Solomon is dekelà he tinguhà te kedtuman te menge suǥù nu, menge penurù, wey te menge sulunuzen, wey te kebaal te langun he ibpetuman ku mehitenged te kedtukuza te valey te Nengazen he mibpurungan ku pengendami.”

1 Cronica 29:9

Utew nengelipey is menge etew su mibeǥey is menge pengulu zan he ebpuun te keputian te atey zan para te Nengazen. Utew zaan nelipey si Hadì David.

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

2 Cronica 25:2

Meupiya is ulaula ni Amazia ziyà te etuvangan te Nengazen, piru kurang is kedsunud din te Nengazen.

Ezra 10:1

Dutun te edluhud si Ezra ziyà te egkesineruwan duen te valey te Megbevayà, wey edsineǥew he ed-ampù wey edtug-an te menge salà te menge Israilihanen, mahabet he menge Israilihanen he menge maama, menge vahi, wey menge vatà is midtiǥum diyà te peliǥuy zin. Heini sikandan kenà daan alang-alang is kedsineǥew zan.

Nehemias 1:4

Ne hein nezineg ku haazà, mibpinuu a is midsineǥew. Nepipira he andew is kedlalew ku, kebpuasa ku, wey kebpengemuyù ku ziyà te etuvangan te Megbevayà diyà te langit.

Nehemias 13:14

Ne zutun mid-ampù a, ke siak te, “He Megbevayè ku, tentenuzi a wey kenè nu lipati is menge meupiya he mibeelan ku para te valey nu wey te menge vuluhaten kayi.”

Nehemias 13:22

Ne mibmenduan ku is menge Levihanen he mebpekelumpiyu zan, ne ventayi zan is menge pultahan su para isipa te menge etew he segradu he andew is Andew te Kedhimeley. Ne zutun mid-ampù a, ke siak te, “He Megbevayè ku, is-isipa nu heini is mibeelan ku, ne kehizuwi a kenikew sumalà te kezekelà te gaǥew nu.”

Nehemias 13:31

Midsiguru ku zaan he sikan is menge idtavun he para te kebpemuhat ne kenà melimpasi is ked-uwita zuen, ragkes is menge egkehuna he egkeraǥun. Ne zutun mid-ampù a, ke siak te, “He Megbevayè ku, tentenuzi a kenikew wey tuvazi a.”

Nehemias 5:19

Mid-ampù a, ke siak te, “He Megbevayè ku, berakat he edtuvazan a kenikew tenged te langun he mibeelan ku kayi te menge etew.”

Salmo 101:2

Ebpekevantey a para wazà igkesawey kedì. Keenu ke man edhendini te kediey? Ebpekevantey a para wazà igkesawey kedì kayi te ed-ubpaan ku.

Salmo 102:9

Edsudien e zan su wazè ku en kaankaan, ne ebpekezuzungul e zà diyà te avu is edsineǥew

Salmo 119:80

Berakat he metuman ku te ebpuun te tivuuk he ǥehinawa ku is menge sulunuzen he ibpesunud nu su para kenà a mepeel-elezi.

Salmo 16:8

Layun ku sikew ed-isipa, Nengazen. Umbe, kenà a egkahandek su geina te duma ku sikew.

Salmo 26:3

Su layun ku edtentenuzi is gaǥew nu, ne layun ku sikew ebpezumdumahi.

Salmo 32:2

Utew zeyzey is etew he wazè en isipa te Nengazen he mekesesalà sikandin, wey wazà sikandin mebpenlimbung.

Salmo 6:6

Mibmeluye e en tenged te utew ku kegkesekiti. Kada mezukilem egkahames is ulunè ku te luhà.

Salmo 6:8

Sikiyu is memezaat is baal, pekeziyù kew kediey, su nezineg en te Nengazen is sineǥawan ku.

Isaias 38:2

Ne hein nezineg haazà ni Hezekia, midsinaru sikandin diyà te elavat ne nengemuyù diyà te Nengazen

Isaias 38:4

Ne migkaǥi is Nengazen diyà te ki Isaias

Hoseas 12:4

iring te kebpekibuteng din te velinsuǥuen, ne nekezaag sikandin. Midsineǥew sikandin hein ebuyù te penuvadtuvad dutun te velinsuǥuen. Neehè din is Megbevayà diyà te Betel, ne zutun nekidlalag kandin is Megbevayà.

Deuteronomio 6:18

Beeli niw is mid-isip te Nengazen he hustu wey meupiya su para mebmeupiya is kebpekesavuk niw ne egkaangken niw sikan is meupiya he tanà he impenangdù din diyà te menge kepuun niw.