Isaias 32:1 - Manobo Western Bukidnon OT

¹ Duen keuzemà hadì he metazeng, ne is menge upisyal zin, wazà egkevintahaan diyà te kedumala zan.

Isaias 32:1 교차 참조

2 Samuel 23:3

Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

Salmo 45:1

Is isip ku nepenù te mekempet he menge lalag hein idseysey ku en is ebpemulvulakan he menge lalag he para zuen te hadì. Ne is ketau ku te kegkaǥi ne iring te ketau zuen te utew metau he menunurat.

Salmo 99:4

Mekeǥeǥehem sikandin he Hadì, ne zekelà diyà te ǥehinawa zin is hustu he kukuman. Wazè din ibpelavi ke edhukum sikandin, ne metazeng wey hustu is ebeelan din diyà te Israel.

Isaias 11:4

ebeǥayan din te metazeng he kukuman is menge pubri ne edlevanan din sikandan pinaaǥi te kebeǥey kandan te ketenged dan. Ne pinaaǥi te kebmandù din, edsilut sikandin kayi te kelibutan ne ebpematey is lalung he menge etew.

Isaias 11:5

Layun diyà te kandin is ketazeng wey kegkeseriǥi, iring te idseluub din heini.

Isaias 16:5

Ne zutun edhadì en is sevaha he kevuwazan ni David he metinumanen wey beliǥeǥawen. Emun edhukum sikandin ibpeletew zin is hustu he kukuman. Wey abtik sikandin he ebaal te metazeng.

Isaias 28:6

Ebeǥayan din is menge zatù te tinguhà te layun kebeǥey te hustu he kukuman. Wey ebeǥayan din te kevurut is menge sundaru he ebantey su wey kenà ebpekeseled is menge edsurung diyà te inged.

Isaias 33:5

Is Nengazen, lavew te langun! Su ziyà sikandin ed-ubpà te langit. Kenè din id-awà diyà te Jerusalem is hustu he kukuman wey ketazeng.

Isaias 4:6

Ne egkeiring heini te lawig he egkehelungan emun meinit is andew wey egkehelungan daan amun duen bagyu wey uzan.

Jeremias 33:14

Migkaǥi pa is Nengazen te, “Egkeuma is timpu he edtumanen ku is meupiya he insaad ku te menge etew ziyà te Israel wey Juda.

Jeremias 33:15

Dutun he timpu iyan ku ibpezumala is metazeng he hadì he kevuwazan ni David. Ne ebeelan din is metazeng wey hustu kayi te tivuuk he tanà.

Ezekiel 37:24

Edhedian sikandan te kevuwazan te suluǥuen ku he si David, ne sevaha zà is ed-elima kandan. Ebpurungan dan edsunuza is menge suǥù ku wey menge sulunuzen.

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.