Isaias 30:3 - Manobo Western Bukidnon OT

³ Piru egkepeel-elezan dà sikandan dutun te kebpelavan dan te hadì te Ehipto.

Isaias 30:3 교차 참조

2 Hadì 18:21

Iyan be is Ehipto? Heini he nasyun wey is hadì duen, iring dà te nevadtì he tuked he emun idtutuked nu ne ebpekepalì te belad nu.

Salmo 108:12

Tevangi key te ked-asdang te menge kuntada zey, su kenà ebpulus is tavang te etew.

Erubasa 25:19

Emun timpu te kesamuk ne is kedsarig diyà te etew he kenà metinumanen, igkepetug-iring te ngipen he meǥaan en egkesepù wey iring daan te paa te pigket.

Isaias 20:5

Is menge midsarig te Etiopia wey is ebantug te Ehipto egkengeheratan wey egkengepeel-elezan.

Isaias 20:6

Ne emun egkehitavù en heini, egkaǥi is menge Filistihanen te, ‘Ahàa niw man is nehitavù te menge nasyun he midseriǥan tew wey mibuyuan tew te tavang su para melibri kiw te kedeezeti kenitew te hadì te Asiria. Ne ebmenumenu kiw en buwa wey kiw mekelikey?’ ”

Isaias 36:6

Iyan be is Ehipto? Heini he nasyun wey is hadì duen, iring dà te nevadtì he tuked he emun idtutuked nu ne ebpekepalì te belad nu.

Jeremias 2:36

“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.

Jeremias 42:18

“Migkaǥi pa is Nengazen he Mekeǥeǥehem, he Megbevayà te Israel te, ‘Iring te impeseǥazan ku te menge etew ziyà te Jerusalem is rimeǥas te utew ku kegkepauk, ibpeseǥazan ku zaan heini keniyu emun edhendiyè kew te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien, ne kenè kew en ebpekelikù diyà te tanè niw.’

Jeremias 42:22

Umbe, egkeǥiyen ku keniyu he siguradu he ebpematey kew te tebek, bitil, wey zaru diyà te Ehipto, he iyan egkesuatan niw te ed-ubpa.”

Jeremias 46:25

Mibpedayun megkaǥi is Nengazen he Mekeǥeǥehem, he Megbevayà te Israel te, “Edsilutan ku en si Amon, is ed-ezapen diyà te Tebes, wey is duma pa he menge ed-ezapen diyà te Ehipto. Edsilutan ku zaan is hadì te Ehipto wey is menge pengulu zin, ragkes is menge midsarig kandin.

Ezekiel 29:7

Dutun te kegewezi zan kenikew nevagbag ka, ne nepelian sikandan diyà te menge vekelawan. Ne hein midtelumbeǥat dan diyà te kenikew ne nevadtì ka ne nepiley zan ne nelepù is tulan te seǥang dan.

Hoseas 10:6

ne ed-uwiten diyà te Asiria su igasa ziyà te mekeǥeǥehem he hadì. Egkepeel-elezan is Israel tenged te kedsarig din te kayu he menge ed-ezapen.