Isaias 3:11 - Manobo Western Bukidnon OT

¹¹ Piru mekehizuhizu mulà is menge lalung, su ebpekeuma ziyà te kandan is bangkit. Ebelesan sikandan tenged te menge vaal zan.

Isaias 3:11 교차 참조

Genesis 18:25

Kenà haazà dait he edsilutan nu is menge metazeng duma te menge mekesesalà. Kenà egkehimu he id-iring nu is menge lalung kandan. Iyan ka ebayàbayà te tivuuk kelibutan, kenè be kinahanglan he ebeelan nu ke hengkey is hustu?”

2 Samuel 3:39

Ne minsan iyan a mibpilì he hadì guntaan, kenè ku egkeveyveyaan si Joab wey si Abishai, he menge anak ni Zeruya. Nereǥenan a utew kandan. Umbe, iyan en is Nengazen ebales te lalung he menge etew te kelelalung he menge vaal zan.”

1 Hadì 21:21

Ne iyan heini egkeǥiyen te Nengazen diyà te kenikew: ‘Edezeetan ku sikew. Ebpenhimetayan ku is langun he kevuwazan nu he menge maama, uripen man etawa kenà.

2 Cronica 6:23

pemineǥa nu heini ziyan te langit wey hukumi nu is menge suluǥuen nu–is edsumbung wey is idsumbung. Siluti nu is nekesalà sumalà te neveelan din, ne libriya nu is wazà salà para metueni he wazà sikandin mekesalà.

Job 10:15

Nekesalè e man etawa wazà, ne neked-iring dà he mekehizuhizu a. Su neeled-eled a wey utew subra is kebpekaantus ku.

Salmo 28:4

Belesi nu sikandan te sungkad te menge vaal zan. Siluti nu sikandan tenged te mezaat he menge vaal zan.

Salmo 62:12

Kenà duwazuwa he ebelesan te Nengazen is menge etew sumalà is mibeelan dan.

Erubasa 1:31

ne egkeraǥun niw is mezaat he menge beǥas te vaal niw, wey is menge mezaat he pelanu niw.

Erubasa 11:31

Ne zini te kelibutan egkezawat te menge metazeng is bales te meupiya he menge vaal zan, ne lavew pa he ebpekezawat te vales te mezaat he menge vaal zan is menge etew he kenà edtuu te Megbevayà wey menge mekesesalà.

Erubasa 12:14

Is meupiya he menge lalag wey meupiya he menge ulaula, ne meupiya zaan is rimeǥas din.

Erubasa 26:27

Is ebangbang para meulug is duma, iyan sikandin egkeulug dutun. Is edlilid te vatu su wey melilizi is duma, iyan sikandin egkelikuan egkelilizi zutun.

Megwewali 8:13

ne mezaat is egkehitavù diyà te lalung he etew he kenà edtahud te Megbevayà, ne kenà sikandin egkembuwayan, kekenà, egkeiring is untung din te lambung he meǥaan dà egkaawà.

Isaias 13:11

Migkaǥi is Nengazen te, “Ebpeeǥiyan ku te limas is kelibutan tenged te kelelalung kayi, wey is menge mekesealà tenged te salè dan. Ibpeengked ku is menge gelbuwen, wey is menge mepelevawen he wazè dan hizu.

Isaias 48:22

Piru is menge lalung kenà sikandan ebpekaangken te meupiya he kebpekesavuk.

Isaias 65:20

Dutun wazè en ebpatey he edsusu pa etawa betan-en pa. Is ebpatey he 100 he tuig is keǥurang din ed-isipen he vetan-en pa, ne is ebpatey he kenè en ebpekeuma te 100 he tuig is keǥurang din ed-isipen he midsilutan ku.

Isaias 65:6

Migkaǥi pa is Nengazen te, “Pemineg kew! Kayi en te etuvangan ku is insurat ku he hukum ku te menge etew ku. Kenà a ebpereremek, kekenà, ebales a. Ebelesan ku sikandan. Ebpeveyazan ku kandan is langun he menge salè dan wey is menge salà te menge kepuun dan. Su edtutung man sikandan te veyewà wey edsumpeliten e zan diyà te menge vuntud wey menge vuvungan. Umbe ebelesan ku sikandan te timbang te mibeelan dan.”

Jeremias 21:14

Piru edsilutan ku sikiyu ǥihapun te sungkad te menge vaal niw. Ebinsulan ku is turuǥan te hadì niw ne egkevinsulan is langun diyà te peliǥuy kayi. Iyan a, is Nengazen, is migkaǥi kayi.”

Jeremias 31:30

Dutun, iyan dà egkepezesan sikan is migkaan te mepezes he paras. Iyan dà edhimetayan is etew he ebpekesalà.”

Ezekiel 16:59

Migkaǥi pa is Nengazen he MEGBEVAYÀ te, “Edsilutan ku sikew te ereg kenikew, su mibpekahagkap nu is pesarig ku pinaaǥi te kedsupaka nu te paaǥi ku te kebpekid-uyun.

Ezekiel 18:20

Iyan dà ebpatey tenged te rimeǥas te salà is nekesalà. Is anak kenà ereg he edsilutan tenged te salà te amey zin, iring din daan is amey su kenà ereg he edsilutan tenged te salà te anak din. Is keupiyaanan tenged te ketazeng egkeraǥun te metazeng, is silut tenged te kelelalung egkeraǥun te lalung.

Ezekiel 2:10

Mibekar zin heini ziyà te etuvangan ku, ne zuen surat kayi ziyà te pesiziveluyà, he menge lalag para te kedlalew wey kebpenhulùhulù.

Ezekiel 24:14

Iyan a is Nengazen migkaǥi he neume en is timpu he iyan ad edwaleng te kedsilut, ne wazà ebpekeeǥen kediey. Kenè ku sikiyu egkehizuwan, ne kenè en egkahalin is isip ku. Edhukuman kew tenged te vetasan niw wey menge vaal niw. Iyan a, is Nengazen he MEGBEVAYÀ, is migkaǥi kayi.’ ”

Ezekiel 33:8

Emun egkeǥiyan ku is lalung he etew he siguradu he ebpatey sikandin tenged te salè din ne wazè nu sikandin keǥiyi he engkezi zin is mezaat he menge vaal zin, iyan ka edsukutan ku te kemetayen din. Iyan, emun migkeǥiyan nu haazà is lalung he etew he engkezi zin is mezaat he menge vaal zin, ne wazè din seǥipaa is migkaǥi nu, ebpatey sikandin tenged te salè din, piru wazè nu televaken dutun te kemetayen din.

Micas 3:4

Dutun te timpu te kedsiluti keniyu ebuyù kew te tavang diyà te Nengazen, piru kenè kew zin edtevangan; ed-iniyuǥan kew zin tenged te mezaat he menge vaal niw.

Micas 7:13

Egkehimu he mekevulungbulung is menge nasyun kayi te kelibutan tenged te kegkezeeti te menge meǥinged kayi.”

Numero 32:23

“Iyan, emun kenè niw heini edtumanen, ne ebpekesalè kew ziyà te Nengazen, ne siguradu he ebeyazan niw is salè niw.

Zatù 9:57

Impevayad daan te Megbevayà is menge tig-Shekem te langun he mezaat he mid-ulaula zan. Pinaaǥi kayi netuman is rawak ni Jotam te anak ni Gideon.